Investısııalyq ahýaldy jetildirý máseleleri talqylandy

Senattyń Qarjy jáne bıýdjet komıtetiniń uıymdastyrýy boıynsha Investısııalar jáne damý mınıstrliginiń basshylyǵymen kezdesý ótkizdi. Is-sharaǵa Parlamenttiń joǵarǵy palatasynyń depýtattary, Ulttyq ekonomıka mınıstrliginiń, «Kaznex Invest» jáne «Atameken» Ulttyq kásipkerler palatasy ókilderi qatysty. Jıyndy ashqan Senat Tóraǵasynyń orynbasary As­qar Beısenbaev «100 naqty qa­dam» Ult Josparynda óńdeýshi óner­kásipke strategııalyq ınves­torlardy tartý, ekonomıkanyń basym­dyqqa ıe sektorlarynda birles­ken kásiporyndardy qurý, taýarlardyń eksportyn qurý jáne Qazaqstannyń álemdik naryqqa shyǵýy úshin óńdeýshi sektorǵa keminde onshaqty transulttyq kompanııany tartý jónindegi baǵyttardy aıqyndady. Memleket basshysy óziniń «Qazaqstan halqyna Joldaýynda ekonomıkaǵa ınvestısııalar kólemin jyl saıyn ulǵaıtý, tutastaı alǵanda 10 jyl ishinde keminde 100 mıllıard AQSh dollary kóleminde ulǵaıtý jóninde mindet qoıdy», dep atap ótti. Tóraǵa orynbasary Parla­ment­tiń bul tapsyrmalardy iske asyrý boıynsha ınvestısııalyq ahýal­dy jaqsartýǵa baǵyttalǵan tıisti zańnamalyq aktiler qabyldaǵanyn, ınvestısııalardy kótermeleý jáne ózara qorǵaý jónindegi birqatar halyqaralyq kelisimder ratıfıkasııalanǵanyn aıtty. «Investorlar tarapynan Qazaqstanǵa qyzyǵýshylyq arta túsýde. Sońǵy on jylda jalpy tikeleı sheteldik ınvestısııalar aǵyny 219 mıllıard AQSh dollaryn qurady. Bul jetistikterge qol jetkizýge tereń oılastyrylyp qurylǵan memlekettik saıasat ta yqpal etti», dedi A.Beısenbaev. Investısııalar jáne damý mınıstri Áset Isekeshev óz baıan­damasynda aǵymdaǵy jaǵdaıǵa taldaý jasaı kele, Prezıdenttiń jańa ınvestısııalyq saıasatynyń jarııalanýy aıasynda ınvestorlarmen jumys tásilderiniń ózgergenin atap ótti. Qoıylǵan mindetterge sáıkes, memleket bıýdjettik salymdardan alshaqtap, jeke ınvestısııalardy tartý, sondaı-aq, memleket-jekemenshik seriktestigi tetikterin damytý jaǵyna kóbirek nazar aýdaratyn bolady. A.Isekeshev atap ótkendeı, budan ári Ekonomıkalyq ynty­maq­tastyq jáne damý uıymynyń standarttarymen ınvestısııalyq klımatty jaqsartý basty baǵyt bolyp tabylady. Investısııalyq klımatty jaqsartý úshin salyq jáne sot ákimshiligin jaqsartýǵa, ınvestorlar úshin mıgrasııalyq máselelerdi ońaılatýǵa, ákimshilik kedergilerdi odan ári azaıtýǵa baǵyttalǵan egjeı-tegjeıli jospar jasalǵan. Kezdesý barysynda mınıstr­ge erkin jańa ónimder naryǵy­nyń monıtorıngi máseleleri, erkin ekonomıkalyq aımaq­tar­dyń tıimdiligi jáne sheteldik jumys kúshin tartý, «Doing Business» reıtınginde, Dúnıe­júzilik ekonomıkalyq forým­nyń jahandyq ındeksinde Qazaqstannyń pozısııasyn jaqsartý perspektıvalary týraly saýaldar qoıyldy. Senatorlar Ertarǵyn Astaev, Sergeı Ershov, Lazzat Turlashov jáne basqa da pikirtalasqa qatysýshylar ınvestısııalyq klımatty jaqsartýǵa qatysty birqatar usynystar aıtty, dep habarlady Senattyń baspasóz qyzmeti.