ASTANA. 21 aqpan. Norvegııanyń Lıllehammer qalasynda ótip jatqan jasóspirimder arasyndaǵy II qysqy Olımpıada oıyndarynda taǵy bir qazaqstandyq sportshy júldeger atandy. Bul týraly egemen.kz tilshisi habarlady.
Short-trekten aralas komandalyq jarys boıynsha 6-topta synǵa túsken otandasymyz Anıta Nagaı bolgar qyzy Katrın Manoılova, latysh sportshysy Karlıs Krýsbergs jáne japonııalyq Kazýkı Ioshınagamen birge óner kórsetip, Olımpıadanyń qola júldesine qol jetkizdi. Jarys qorytyndysy boıynsha olardyń kórsetkishi – 4:17,181 mınýt.
Bul synda altyn medal 2-topqa buıyrdy. Atalǵan toptyń quramynda Ana Farshıada (Norvegııa), Djı Kım (Ońtústik Koreıa), Steına Desme (Belgııa) jáne Kvente Ferkoka (Fransııa) bar. О́z kezeginde chempıondar jarys jolyn 4:14,413 mınýtta júrip ótti.
Al kúmis medal Petra Iаzapatı (Vengrııa), Djýlııa Mýr (Avstralııa), Terk De Boer (Nıderlandy) jáne Kııchı Shıgeıro (Japonııa) óner kórsetken 3-toptyń enshisinde ketti. Olardyń kórsetkishi 4:14,495 mınýtqa teń.
Osymen qazaqstandyq sportshylar Norvegııadaǵy dodada tórtinshi medaldi qorjynǵa salyp otyr. Buǵan deıin bıatlonnan 6 shaqyrymdyq sprınttik jarysta baq synaǵan Arına Pantova men mánerlep syrǵanaýdan Elızabet Tursynbaeva Olımpıadanyń qola júldegerleri atandy. Sondaı-aq, konkıshimiz Ánýar Muhamadıev aralas komanda sapynda saıysqa túsip, kúmis medaldi moıynan taqty.
Aıta keteıik, jasóspirimder Olımpıadasy 21 aqpan kúni aıaqtalady.
Elaman Qońyr.
Derek: egemen.kz.
Sýret: lillehammer2016.com.
