ASTANA. 22 aqpan. 30153 áskerı bóliminiń jeke quramy Aqtaý qalasynda ushý jattyǵýlaryn ótkizdi. Bul týraly egemen.kz tilshisi habarlady.
Armııashy ushqyshtar Mı-8 tikushaqtary men 4-shi úlgidegi Sý-27 ushaqtarynda jattyqty. Berilgen tapsyrmalarǵa baılanysty áskerı qyzmetshiler ártúrli jattyǵýlardy, ıaǵnı, ushý, qoný, pılotaj aımaqtaryndaǵy is-qımyldardy pysyqtady.
«Oqý-jattyqtyrýlar ońaı bolǵan joq. Ushqyshtar kúndiz-túni aptasyna quram kem degende úsh ret ushyp jattyqty. Oqý-jattyǵýlarǵa Áýe qorǵanysy kúshteriÁskerı ınstıtýtynyń kýrsanttary qatysty. Olar ekinshi kýrstan beri oqý-jattǵýǵa qatysyp keledi. Ushqyshtardyń psıhologııalyq jáne dene daıarlyǵy da asa mańyzdy. Sondyqtan ushý aldynda olar mindetti túrdegi medısınalyq tekserýden ótedi», dedi Áskerı-áýe kúshteri qolbasshysynyń tárbıe jáne áleýmettik-quqyqtyq jumystar jónindegi orynbasary polkovnık Erkin Jumaǵalıev.
Ushqyshtar oqý-jattyǵý bazasynda jattyqty.
Dastan Kenjalın.
Derek, sýret: Qazaqstan Respýblıkasy Qorǵanys mınıstrligi.
