Kólikti aıfonǵa aıyrbastamaq

О́skemendik Evgenıı Krý­shınskıı taıaýda tanymal saıt­tardyń birine avtokóligin satatyny nemese aıyrbastaıtyny týraly habarlamany ornalastyrdy. Zaýyttan 1989 jyly shyqqan «Zaporojes» kóliginiń ıesi múlik qunyn 160 myń teńgege nemese iPhone 5s markaly telefonǵa baǵalaǵany jazylǵan bolatyn. Búginde sırek kezdesetin kó­likti Evgenıı eki jyl buryn Rıd­der qalasynan satyp alypty. Aı­týynsha, avtokóliktiń túri adam kórgisiz aıanyshty halde bolǵan. – Mundaı kólikti bala kúnim­nen armandadym. Son­dyq­tan, rıdderlik zeınetkerdiń «Zapo­rojesin» satatynyn es­tigende, oılanbastan bardym. Kólikti ózim jóndep, tártipke keltirdim. Qala ishinde birneshe márte júrdim. Adamdardyń nazary birden aýady. Kóshede dabyldaryn basyp, kúlip, tipti, fotosýretke de túsip jatady. «Zaporojesim» osy ýaqytqa deıin birneshe kási­bı fotosessııalarǵa qatysyp úlgerdi, – dedi ol. Al kólikti satý týraly sheshimge áıeline syılyq jasaý úshin kelgenin aıtady. Kelinsheginiń sońǵy úlgidegi telefon alǵysy keletinin jetkizgen ol oǵan aqsha shyǵyndamaı-aq «Zaporojeske» aıyrbastap alýdy jón kórgen. Jarnama ilingen soń habarlasýshylar da az bolmaǵan. Jastar men oqý­shylar tómen baǵaǵa qyzyqsa, kóne kólik kolleksıonerleri ýaqyt óte quny arta túsetinin bilgendikten qońyraý shalady. Alaıda, ortalyq qalalardaǵy kóne kólik jınaýshylar úshin qazir bir qaladan bir qalaǵa kólik tasymaldaıtyn maýsym emes. Jenıa da kólikti satýǵa asyq­paıtynyn aıtady. Dýman ANASh, «Egemen Qazaqstan». О́SKEMEN.