Qazaqstan Respýblıkasynyń Densaýlyq saqtaý jáne áleýmettik damý mınıstrliginiń buıryǵy  №907 

2015 jylǵy 30 qarasha, Astana qalasy Eńbekke ýaqytsha qabiletsizdik boıynsha áleýmettik járdemaqyny taǵaıyndaý jáne tóleý qaǵıdalaryn bekitý týraly 2015 jylǵy 23 qarashadaǵy Qazaqstan Respýblıkasy Eńbek kodeksiniń 16-baby 32) tarmaqshasyna jáne 133-baby 5-tarmaǵyna sáıkes buıyramyn: 1. Qosa berilip otyrǵan Eńbekke ýaqytsha qabiletsizdik boıynsha áleýmettik járdemaqyny taǵaıyndaý jáne tóleý qaǵıdalary bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Eńbek jáne áleýmettik áriptestik departamenti zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryq memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» Qazaqstan Respýblıkasy normatıvtik quqyqtyq aktileriniń aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsyna ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. «Eńbekke ýaqytsha jaramsyzdyǵy boıynsha áleýmettik járdemaqyny taǵaıyndaý jáne tóleý qaǵıdalaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 30 naýryzdaǵy № 176 buıryǵynyń (Normatıvtik quqyqtyq aktilerdi memlekettik tirkeý tiziliminde № 10810 bolyp tirkelgen, 2015 jylǵy 5 mamyrda «Ádilet» aqparattyq-quqyqtyq júıesinde jarııalanǵan) kúshi joıyldy dep tanylsyn. 4. Osy buıryqtyń oryndalýyn baqylaý Qazaqstan Respýblıkasy Densaýlyq saqtaý jáne áleýmettik damý mınıstrliginiń jaýapty hatshysy A.D. Qurmanǵalıevaǵa júktelsin. 5. Osy buıryq 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA. KELISILDI Qazaqstan Respýblıkasy Syrtqy ister mınıstriniń mindetin atqarýshy _______________ A. Volkov 2015 jylǵy 3 jeltoqsan Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 30 qarashadaǵy № 907 buıryǵymen bekitilgen Eńbekke ýaqytsha qabiletsizdik boıynsha áleýmettik járdemaqyny taǵaıyndaý jáne tóleý qaǵıdalary 1. Osy Eńbekke ýaqytsha qabiletsizdik boıynsha áleýmettik járdemaqyny taǵaıyndaý jáne tóleý qaǵıdalary (budan ári – Qaǵıdalar) 2015 jylǵy 23 qarashadaǵy Qazaqstan Respýblıkasy Eńbek kodeksiniń (budan ári – Kodeks) 16-baby 32) tarmaqshasyna jáne 133-baby 5-tarmaǵyna sáıkes ázirlendi jáne jumys berýshiniń qarajaty esebinen eńbekke ýaqytsha qabiletsizdik boıynsha áleýmettik járdemaqy (budan ári – járdemaqy) taǵaıyndaýdyń jáne tóleýdiń tártibin aıqyndaıdy. 2. Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 31 naýryzdaǵy №183 buıryǵymen (Normatıvtik quqyqtyq aktilerdi memlekettik tirkeý tiziliminde № 10964 bolyp tirkelgen) bekitilgen Eńbekke ýaqytsha qabiletsizdikke saraptama júrgizý, eńbekke ýaqytsha qabiletsizdik paraǵyn jáne anyqtamasyn berý qaǵıdalaryna sáıkes beriletin eńbekke ýaqytsha qabiletsizdik paraǵy, al ol joǵalǵan kezde – telnusqasy járdemaqyny taǵaıyndaý jáne tóleý úshin negizdeme bolyp tabylady. Bolǵan eldiń erejelerine sáıkes resimdelgen naýqastaný, jaraqattaný saldarynan eńbekke ýaqytsha qabiletsizdiktiń týyndaý faktisin rastaıtyn qujat shetelde bolǵan kezeńinde dıplomatııalyq qyzmet personalyna járdemaqyny taǵaıyndaý jáne tóleý úshin negizdeme bolyp tabylady. 3. Jumyskerdiń eńbekke ýaqytsha qabiletsizdigi eńbek jaraqaty nemese kásiptik aýrýy saldarynan týyndaǵan kezde járdemaqy Kodekstiń 190-baby 1-tarmaǵyna sáıkes óndiristegi jazataıym oqıǵa týraly akti bolǵan kezde taǵaıyndalady jáne eńbekke qabiletsizdik bastalǵan alǵashqy kúnnen bastap jumysqa shyqqanǵa nemese múgedektik belgilengenge deıin tólenedi. 4. Járdemaqy eńbekke ýaqytsha qabiletsizdik paraǵynda belgilengen merzimge jumys isteıtin orny boıynsha tólenedi. Eger adam birneshe jumys berýshide jumys isteıtin bolsa, járdemaqy árbir jumys orny boıynsha taǵaıyndalady jáne tólenedi. 5. Eńbek sharty buǵan zańdy negizsiz toqtatylǵannan keıin jumyskerdi jumysqa qaıta alǵan jaǵdaıda, járdemaqy jumysqa shyqqan kúninen bastap tólenedi. 6. Jumysker jumystan shettetilgen kezeńde eńbekke ýaqytsha qabiletsizdik týyndaǵan kezde, Kodekstiń 48-babynyń 4-tarmaǵyna sáıkes járdemaqy tólenbeıdi. Eger eńbekke ýaqytsha qabiletsizdik jumysqa jiberilgennen keıin de jalǵasatyn bolsa, járdemaqy jumysker jumysqa jiberilgen kúnnen bastap tólenedi. Jumys berýshi jumyskerdi jumystan zańsyz shettetken jaǵdaıda onyń járdemaqysy saqtalady. 7. Kodekstiń 133-baby 4-tarmaǵyna sáıkes járdemaqy: 1) zańdy kúshine engen sot úkimimen kináli ekendigi anyqtalǵan jaǵdaıda, óziniń qylmystyq quqyq buzýshylyq jasaý kezinde alǵan jaraqattarynyń saldarynan eńbekke ýaqytsha qabiletsizdigi týyndaǵan jumyskerge; 2) sottyń uıǵarymy boıynsha jumyskerdi májbúrlep emdegen (psıhıkalyq naýqastardan basqa) ýaqyt úshin; 3) zańdy kúshine engen sot úkimimen nemese qaýlysymen jumyskerdiń kináli ekeni anyqtalǵan jaǵdaıda, ol qamaýda bolǵan ýaqyt úshin jáne sot-medısınalyq saraptama jasalǵan ýaqyt úshin; 4) jumysker alkogoldi, esirtkini jáne ýytqumarlyq zattardy paıdalanýy saldarynan týyndaǵan aýrýlardan nemese jaraqattardan eńbekke ýaqytsha qabiletsiz bolǵan kezde; 5) jyl saıynǵy aqy tólenetin eńbek demalysymen sáıkes keletin eńbekke ýaqytsha qabiletsizdik kúnderi úshin tólenbeıdi. Eger eńbekke qabiletsizdik demalys aıaqtalǵannan keıin de jalǵasatyn bolsa, onda járdemaqy jumysker jumysqa kirisken kúnnen bastap beriledi. 8. Negizgi jumys ornyndaǵy jalaqysy tolyq nemese ishinara saqtala otyryp, basqa uıymǵa jumys isteýge jiberilgen, maýsymdyq jumys isteıtin jumyskerlerge, úı jumyskerlerine jáne úıde jumys isteıtin jumyskerlerge, kadrlardy daıarlaý, qaıta daıarlaý jáne olardyń biliktiligin arttyrý kýrstarynyń tyńdaýshylaryna, eger olardy kýrsqa jumys berýshi jibergen jáne oqý kezeńinde olardyń jalaqysy saqtalǵan bolsa, osy kezeńde bolatyn járdemaqy olardyń jumys orny boıynsha tólenedi. 9. Jumyskerdi protezdik-ortopedııalyq uıymnyń stasıonaryna jatqyzǵan kezde járdemaqy stasıonarda bolǵan barlyq ýaqytyna jáne stasıonarǵa barýǵa jáne keri qaıtýǵa ketken ýaqytyna da tólenedi. 10. Jumysker eńbekke ýaqytsha qabiletsizdik paraǵyn jumys berýshige eńbekke ýaqytsha qabiletsizdik paraǵynda belgilengen jumysqa shyǵatyn kúni ne ol aıaqtalǵanǵa deıin usynady. 11. Járdemaqy tóleý úshin usynylǵan eńbekke ýaqytsha qabiletsizdik paraqtary jumys berýshiniń býhgalterııasyna tapsyrylady. 12. Járdemaqy Qazaqstan Respýblıkasynyń eńbek zańnamasynda jalaqy tóleý úshin belgilengen merzimderde tólenedi. 13. Jumyskerdiń ótinishi boıynsha járdemaqy, járdemaqyny alýǵa tıisti senimhatty usynǵan senimdi adamǵa nemese Qazaqstan Respýblıkasynyń zańnamasynda belgilengen tártippen zańdy ókiline beriledi. 14. Dıplomatııalyq qyzmet personaly shetelde bolǵan kezeńinde eńbekke ýaqytsha qabiletsizdik paraǵymen rastalǵan naýqastaný, jaraqattaný faktisi bolǵan jaǵdaıda Kodekstiń 15-baby 2) tarmaqshasyna sáıkes Qazaqstan Respýblıkasynyń Úkimeti aıqyndaǵan mólsherlerde: ulttyq valıýtada – eńbekke ýaqytsha qabiletsiz ýaqytyna; sheteldik valıýtada – eki aıdan aspaıtyn merzimge járdemaqy alady. Eger aýrýy eki aıdan artyq ýaqytqa sozylsa jáne densaýlyq jaǵdaıy boıynsha naýqas Qazaqstan Respýblıkasyna jol júre almasa (kólik qıyndyǵyn kótere almasa), onda járdemaqy dárigerlerdiń Qazaqstan Respýblıkasyna evakýasııalaý múmkindigi týraly sheshimi shyqqanǵa deıin sheteldik valıýtada onyń emdeý mekemesinde bolǵan barlyq ýaqyty úshin tólenedi. Qazaqstan Respýblıkasy Ádilet mınıstrligi Normatıvtik quqyqtyq akti 2015 jylǵy 26 jeltoqsanda Normatıvtik quqyqtyq aqtilerdi memlekettik tirkeý tizilimine № 12521 bolyp tirkeldi.