Kókshetaýda iri kólemde esirtkimen ustalǵan azamat 10 jylǵa sottaldy

KО́KShETAÝ. 25 aqpan. Aqmola oblysynyń qylmystyq ister jónindegi mamandandyrylǵan aýdanaralyq soty zańsyz esirtki saqtaǵan azamatqa qatysty qylmystyq isti qarap, ony 10 jylǵa bas bostandyǵynan aıyrý týraly úkim shyǵardy. Bul týraly oblystyq sottyń baspasóz qyzmetine silteme jasaǵan egemen.kz habarlady. Sot anyqtaǵandaı, Aqmola oblystyq ishki ister departamenti qyzmetkerleriniń jedel-izdestirý sharalaryn júrgizý kezinde, azamat A-nyń basqarýyndaǵy avtokólik ustalǵan. Avtokólikti tintý kezinde kúdikti 4 polıetılen pakette salmaǵy 15 kılo 820 gramm gashısh jáne bir polıetılen pakette salmaǵy 27 kılo 380 gramm keptirilgen marıhýana esirtki zattaryn polısııa qyzmetkerlerine óz erkimen tapsyrǵan. Sot úkimimen azamat A-ǵa Qylmystyq kodekstiń 297-babynyń 3-bóliginiń 2-3-tarmaqtarynda («Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý») kórsetilgen qylmysty jasaǵany úshin kináli dep tanylyp, oǵan jazasyn qatań tártiptegi túzeý kolonııasynda óteý, qylmystyq jolmen tabylǵan múlkin tárkileý jáne 10 jyl merzimge bas bostandyǵynan aıyrý jazasy taǵaıyndaldy Sot úkimi zańdy kúshine engen joq. Baqbergen Amalbek. Derek: Aqmola oblystyq sotynyń baspasóz qyzmeti. Sýret: politsib.ru.