PAVLODAR. 25 aqpan. Astanadan El Táýelsizdiginiń 25 jyldyǵyna oraı saparǵa shyqqan «Máńgilik el» poıyzy О́skemen, Semeıdi aralap, Kereký óńirine keldi. Bul týraly egemen.kz tilshisi habarlady.
Saparlatyp kele jatqan poıyzdy 24 aqpan kúni temirjol vokzalynan qala ákimi Bolat Baqaýov bastaǵan Assambleıa, qoǵamdyq uıymdardyń ókilderi, jergilikti jastar bastap, qala turǵyndary qarsy aldy.
«О́ndiristi óńirge kelgenimizge qýanyshtymyz. Bizdiń jolǵa shyqqandaǵy maqsatymyz – Elbasynyń «Máńgilik el» ıdeıasyn el ishinde nasıhattaý, eldik maqsattardy, ulttyq qundylyqtarymyzdy dáripteý. Poıyz quramyndaǵy 98 adamnyń báriniń de oılary bir eldegi qabyldanǵan reformalardyń mán-jaıyn túsindirip, turǵyndarǵa jetkizý. Bizdiń top quramynda memlekettik organdardyń bas mamandary, áleýmettik jáne medısına salasynyń qyzmetkerleri, bank keńesshileri bar. Aramyzda 30 dáriger turǵyndarǵa keńes beredi», – dedi poıyz jetekshisi Ámirjan Álpeıisov.
Budan keıin top músheleri oblys ortalyǵyndaǵy Estaı atyndaǵy qalalyq mádenıet saraıynda poıyz qonaqtarynyń qatysýymen dóńgelek ústel basynda ultaralyq kelisim, eldegi turaqtylyq, órkendeý, Táýelsizdik talaptary aıasynda áńgimelesý ótti. Al dárigerler oblys ortalyǵyndaǵy №3 emhanada qabyldaý júrgizdi.
«Máńgilik el» poıyzynyń jetekshisi Ámirjan Álpeıisovtiń aıtýynsha, poıyz quramy basqa oblystardy aralap Pavlodarǵa kelip jetkenge deıin 7,5 myń adamdy qabyldaǵan eken.
Osyǵan deıin habarlanǵandaı, jolaýshylar poıyzynyń quramynda Qazaqstan halqy Assambleıasynyń músheleri, ǵalymdar, sarapshylar, dárigerler bar, olardyń árqaısysynyń halyqqa áleýmettik kómek kórsetý, bes ınstıtýsıonaldyq reformany túsindirý, konsýltatıvtik kómek berý jóninde óz jumystary bar.
«Poıyzdyń kelýi árıne, qarapaıym turǵyndar úshin jaqsy. О́tken jyldary basqa ataýlarmen kelip júrdi. Barlyq saýaldaryna jaýap aldy dep oılaımyn. Halyq rıza. Ásirese, dárigerlerge qaralyp keńester alǵandaryna alǵys aıtýda. Ekinshiden, «Máńgilik el» dep jol boıymen kelgen úgit-nasıhat poıyzynyń kelýi ár adamnyń boıynda elge, jerge degen otansúıgishtik sezim týdyrary anyq», – deıdi Qzaqstan halqy assambleıasynyń oblystyq fılıalynyń orynbasary Seısenbaı Jetpisbaev
Al uıymdastyrýshylardyń aıtýynsha, quramyna 100-ge jýyq múshesi bar, 9 vagonnan turatyn poıyz sapary barysynda bizdiń mamandar quramy aýysyp, jańaryp otyrady. Maqsat – aýyl turǵyndarynyń, soǵys ardagerleri men múmkindigi shekteýli adamdardyń ótinish-tilekterin tyńdap, jaýap berip, quqyqtyq jáne medısınalyq turǵyda keńes beriledi. Jeke kásibin ashyp, bızneske bastaǵysy keletin kásipkerlerge de kómek kórsetiledi. Mádenı-sporttyq sharalar, konserttik baǵdarlamalar usynylady», – deıdi «Máńgilik el» mamandandyrylǵan arnaıy poıyzynyń jetekshisi Rýslan Barbasov.
Poıyz sapary ary qaraı óndiristi Ekibastuzdaǵy kezdesýlermen jalǵasty..
Farıda Byqaı.
Derek: egemen.kz.
Sýret: Maqsat Aıtbaev.
