Termınder qory tolyqty

Sońǵy jyldary Qazaqstan Respýblıkasy Úkimetiniń janyn­daǵy respýblıkalyq termınologııa ko­mıssııasynyń mu­ryndyq bolýy­­men memle­kettik tildegi ter­­mın­der qo­ryn tolyqtyrý oraı­yn­da bir­qatar ilkimdi jumys­tar atqa­ry­lyp keledi. So­nyń nátı­jesin­de atal­ǵan termınologııalyq komıs­sııa ótken jyldyń 6 qa­zan­daǵy oty­rysynda tizbege usy­nyl­ǵan ter­mınderdiń bir parasyn qarap, be­kitip berip, qoldanysqa joldady. Bekitilgen termı­no­lo­gııalyq tiz­bedegi ınnovasııa, ındýstrııa salalary boıynsha – 179, tótenshe jaǵ­daılar boıynsha – 95, kólik jáne qatynas joldary boıynsha – 846, matematıka salasy boıyn­sha – 279, mehanıka jáne ma­shınataný salasy boıynsha – 282, barlyǵy – 1745 termın sózder endigi jerde memlekettik tildiń ıgiligine qyzmet etetin bolady. Termın sózderdi qalyptastyryp, osy rette ózindik izdenister jasap, termınkomǵa usyný kezinde salalyq mınıstrlikter men ve­domstvolardyń da belsendilik tanytyp otyrǵanyn atap ót­ken jón. Aıtalyq, atalmysh tiz­bege Investısııalar jáne damý mı­nıs­trligi tarapynan 22, Ishki ister mınıstrligi tarapy­nan 23 termın sózder kirgizilgen. Res­pýblıkalyq termı­no­logııalyq komıssııa beki­tip usynǵan osy termınder tiz­besin «Egemen Qazaqstan» gaze­tiniń saıtynan oqı alasyzdar. «Egemen-aqparat». Júkteý: Bekitilgen termınder-2015-1