Atyraýda aýyz sýmen qamtýǵa 1 mlrd. teńge bólinedi

ATYRAÝ. 26 aqpan. Atyraý oblysynda bıyl eldi mekenderdi aýyz sýmen qamtýǵa jergilikti bıýdjetten 1 mlrd. teńge bólinedi. Bul týraly Atyraý oblysynyń ákimi Baqtyqoja Izmuhambetovtiń málimdemesine silteme jasaǵan egemen.kz tilshisi habarlady. Ákimniń málim etýinshe, «Aq bulaq» baǵdarlamasy bastalǵaly beri Atyraý oblysynda 88 nysannyń qurylysy aıaqtalyp, 72 eldi mekende turatyn 76 myńnan asa turǵyn taza aýyz sýmen qamtylypty. Máselen, ótken jyly Mahambet aýdanynyń Aqtoǵaı, Sarytoǵaı, Jalǵansaı aýyldaryna jáne Jylyoı aýdanyndaǵy Shoqpartoǵaı aýylyna da aýyz sý jetkizilgen. Oblys eldi mekenderiniń ortalyqtandyrylǵan aýyz sýmen qamtylý úlesi 52 paıyzdan 75,6 paıyzǵa ósti. «Bıyl jergilikti bıýdjetten 1 mlrd. teńge bólinip, aýyspaly 10 nysannyń qurylysy aıaqtalady. Inder aýdanynda úsh aýyl – Aqqala, Qurylys, Yntymaq, Mahambettiń tórt aýyly – Almaly, Tańdaı, Ortaqshyl, Alǵa, Isataı aýdanynda Tushyqudyq, Jylyoıda Turǵyzba aýylynyń ǵımarattary men sý qubyry aıaqtalady. Qyzylqoǵa aýdanynyń Taısoıǵandaǵy uńǵymalary iske qosylady» – dep málim etti Atyraý oblysynyń ákimi Baqtyqoja Izmuhambetov. Joldasbek Shópeǵul. Derek: egemen.kz. Sýret: Rahym Qoılybaev.