QOSTANAI. 26 aqpan. Qostanaıǵa Investısııalar jáne damý mınıstri Áset Isekeshev keldi. Ol oblys ákimi Arhımed Muhambetovpen kezdesti. Sondaı-aq, «AgromashHoldıng» jáne «SaryarkaAvtoProm» mashına jasaý zaýyttarynyń óndiristik alańyna kelip, sheteldik ınvestorlarmen keńes ótkizdi .Olarmen eki jáne úsh jaqty memorandýmǵa qol qoıyldy. Bul týraly egemen.kz tilshisi habarlady.
Qostanaı mashına jasaý zaýyttaryna mınıstrmen qatar osy salaǵa ınvestısııa quıýǵa daıar Fransııa, Qytaı jáne Reseı kompanııalarynyń ókilderi de keldi. AllurGroup dırektorlar keńesiniń tóraǵasy Andreı Lavrentev baıandaǵandaı, 2016 jyly Qostanaıdaǵy mashına jasaý isine 8,6 mıllıard teńge quıylady. Jylyna 40 myń avtomobıl sapqa qoıylmaq. Alaıda, Eýrazııalyq ekonomıkalyq odaq elderi Keden sharty boıynsha eksportqa shyǵaratyn taýarlardyń 50 paıyzy otandyq ónim bolýy tıis. Sondyqtan Qostanaıdaǵy mashına qurastyrý zaýyttarynda sheteldik brendterdiń 50 paıyzyna deıin jergilikti jerde jasalýy shart. Sheteldik ınvestorlarmen osyndaı kelisimge kelýimiz kerek. Buǵan sheteldik ınvestorlar da ket ári emes.
Qostanaılyq avtomobılder negizinen Reseıge shyǵarylatyn bolady.
Názıra Járimbetova.
Derek, sýret: egemen.kz.
