О́tken jyly Atyraýdyń aýdandarynda 600 páter paıdalanýǵa berildi

ATYRAÝ. 26 aqpan. Atyraý oblysynyń aýdandarynda byltyrǵy jyldyń aıaǵynda 600 páter jáne árqaısysynda 1 páterlik 10 úı paıdalanýǵa berildi. Bul týraly Atyraý oblysynyń ákimi Baqtyqoja Izmuhambetovtiń málimdemesine silteme jasaǵan egemen.kz tilshisi habarlady. Elimizdiń ózge óńirleri sekildi Atyraý oblysynda da turǵyn úı qurylysy qarqyndy júrgizilip keledi. Bir ereksheligi, oblys ortalyǵy – Atyraý qalasynda ǵana emes, aýdandarda da turǵyn úıler salý qolǵa alyndy. Elimiz táýelsizdigin alǵaly beri Atyraý oblysynyń aýdandarynda birde-bir kóp qabatty turǵyn salynbaǵan eken. «Buryn-sońdy bolmaǵan jaǵdaı, aýdan ortalyqtarynan 600 páter tapsyryldy. Aýdandar ortalyqtary – Qulsary qalasy men Inderbor, Aqqystaý jáne Ganıýshkınnen úsh qabatty 60 páterlik 9 úı salynyp tapsyryldy. Odan bólek, Qulsarydan basqa aýdan ortalyqtarynyń bárinen árqaısy 1 páterlik 10 úıden salyndy. Bul jumys jalǵasady. Maqat, Dossor, Inderbor, Aqqystaý, Ganıýshkın jáne Mahambetten 60 páterlik taǵy alty turǵyn úıdiń qurylysyn NCOC kompanııasynyń demeýshiligimen bıylǵy alǵashqy jarty jyldyqta bastaımyz», – dep málim etti Atyraý oblysynyń ákimi Baqtyqoja Izmuhambetov. Joldasbek Shópeǵul. Derek: egemen.kz. Sýret: Rahym Qoılybaev.