Avtomobıl klasteri jetekshi salaǵa aınalmaq

Sońǵy jyldary Qostanaıdyń óndiris salasyna mashına shyǵarý ózenge talmaı quıar bulaq sekildi qosyldy. Álemge tanymal ataqty Ssang Yong, osy markanyń qazaqstandyq NOMAD úlgisin, Toyoto sekildi brendterdi qurastyrdy. Álemdi qursaǵan qarjy jáne saıası daǵdarystarǵa jáne Reseıden avtokóliktiń kóptep kir­gi­zilýine baılanysty ótken jyly Qos­tanaıda qurastyrylǵan avtomobılderge suranystyń túsip ketkeni belgili. Alaıda, bul osy salany damytýǵa kóldeneń turmaıdy. Investısııalar jáne damý mı­nıstri Áset Isekeshev Qostanaıǵa kel­gen sa­pa­rynda Qytaı, Fransııa, Italııa ınves­torlarymen keńes ótkizdi. Joba­lar boıynsha eki jáne úsh jaq­ty memorandýmdarǵa qol qoıyldy. Keli­simder túıindeler aldynda AllurGroup dırektorlar keńesiniń tóraǵasy Andreı Lavrentev mınıstrge jáne sheteldik ınvestorlarǵa mashına jasaý isiniń keńeıtilýine baılanysty qaıta jasalǵan jáne jańǵyrtylǵan óndiristik alańdy aralatyp kórsetti. Osy jerde Peugeot, JAC jáne IVECO Stralis, Daily aýyr júk mashınalary jasalady. Jeliden shyqqan avtomobılder kórsetildi. Onyń aıtýynsha, osy iske 2016 jyly 8,6 mıllıard teńge ınvestısııa quıylady, jylyna 40 myń avtomobıl sapqa qoıylmaq. Negizi Qostanaıdan óndiriletin mashınalar Reseı naryǵyna beıimdeledi. Biraq Eýrazııalyq ekonomıkalyq odaq elderiniń keden sharttaryna sáıkes eksporttalatyn taýarlardyń 50 paıyzy sol elde jasalýy tıis. Soǵan oraı fransııalyq, qytaılyq mashınalardy qurastyrǵanda olardyń 50 paıyz jumysy tikeleı Qostanaı mashına qurastyrý zaýyttarynda atqarylýy tıis. Muny sheteldik ınvestorlar qup aldy. Osyǵan oraı Qostanaıda ındýs­trııa­lyq aımaq qurylatyn boldy. Onyń ınfraqurylymdyq jumystary bıyl bastalyp, kelesi jyly aıaqtalady. Oǵan barlyǵy 2 mıllıard teńgeniń syrtynda qarjy bólinbek. – Indýstrııalyq aımaqqa jer bólý, oǵan gaz, sý, joldar, temirjol tartý sekildi ınfraqurylymdyq jumystardyń barlyǵy oblys enshisinde. Munyń qujattary daıyndalý ústinde, bıyl jumysty bastaımyz, – dedi oblys ákimi Arhımed Muhambetov. Investorlarmen kezdesý sońynda atalǵan máseleler boıynsha kelisimderge qol qoıyldy. Názıra JÁRIMBETOVA, «Egemen Qazaqstan». QOSTANAI.