Aýyldyń qaladaǵy jańǵyryǵy

«Aýyl» halyqtyq-demokratııalyq pat­rıot­tyq partııasynyń Almatydaǵy shtabynda saılaýshylar Parlament Májilisi depýtattyǵyna kandıdatpen kezdesti. Saltanatty is-shara aldynda elimizdiń Ánurany oryndaldy. – Bizdiń almatylyq partııa músheleri eli­mizdiń ózge aýmaqtaryndaǵy sekildi saılaý naýqanyna jan-jaqty daıyn­dyq­pen keldi. Partııa ózi tarapynan jańadan saılanatyn Parlamentke 19 úmitkerdiń esimin ataǵan bolatyn, – dedi saılaýshylar aldynda sóz sóılegen «Aýyl» HDPP-nyń Almatydaǵy fılıalynyń dırektory Abdolla Saparov. – Búgin siz­der bizdiń Almatydaǵy bas shtabta alǵashqy úmitkerimizben kezdesip otyrsyzdar. Úmitkerdiń aty-jóni – Dáýren Ádil­myr­zauly Maralov, «Altyn dıir­men» korporasııasy dırektorlar keńesi­niń tóraǵasy. Halyqaralyq dárejedegi ekonomıst maman. Saılaýshylarmen júzdesý barsynda úmitker ózi jáne bola­shaq jospary týraly, sondaı-aq, áleýmettik máselelerge baılanysty qoıylǵan saýaldarǵa jan-jaqty ja­ýap berdi. – Siz ne úshin saılaýǵa túsýge bekin­dińiz? – Saılaý eń aldymen kez kelgen eli­miz­diń azamatynyń, ıaǵnı úmitkerdiń múm­kindigin, saıası áleýetin synaıtyn emtı­han. Adamnyń qoǵamǵa qanshalyqty qajet ekendiginiń anyq kórsetkishi. – Kimge arqa súıeısiz? – Eń aldymen – aýyl halqyna. Res­pýb­lıka turǵyndarynyń 45 paıyzy aýylda turady. Olardyń barlyǵy da «Altyn dıirmenniń» nanynan aýyz tı­gender. Sol sekildi ózim basqaryp otyr­ǵ­an 2000 adamdyq ujymdy da saılaý aldyndaǵy úlken de qýatty kúsh sanaı­myn. Parlament Májilisiniń depý­tat­tyǵyna kandıdat Dáýren Maralov saılaýshylarǵa elimizdegi zań shyǵa­rýshy joǵarǵy organnyń tynys-tirshiliginen jaqsy habardar ekeni týraly da nanymdy áńgime aıtyp berdi. Sol sebepti de alǵash usynys túsken kezde kóp oılanbastan saılaý naýqanyna qatysýǵa tas túıin daıyn bolǵan. Úlken óndiristiń jas basshysy saıası úlken naýqanda Parlament minberine qol jetkizse, Qazaqstannyń bolashaǵy – qoǵamdyq damýdyń jańa satysyn jańǵyrtý jas urpaqtyń qolynda ekenin dáleldemek. Jıynda el men jer, ana men bala, aýyl sharýashylyǵy ónimderi men nan taǵamdary, jel men sý, tipti, topyraq erozııasyna deıin áńgime kóterildi. Saılaýshylardyń kókeıin mazalaǵan barlyq suraqqa Dáýren Maralov tushymdy jaýap qaıtardy. Alǵashqy tulparyn úlken dodaǵa jelpindirip qosqan aýyldyqtar saltanatty sharany «Atameken» ánin oryndap aıaqtady. Talǵat SÚIINBAI, «Egemen Qazaqstan». ALMATY.