Qazaqstanda «Taǵa» eskertkish monetalary aınalymǵa shyqty

ALMATY. 4 naýryz. Ulttyq Bank 2016 jylǵy 4 naýryzdan bastap «Sıqyrly nyshandar» monetalar serııasynan proof sapaly kúmisten nomınaly 100 teńgelik «Taǵa» eskertkish kúmis monetasyn aınalymǵa shyǵardy. Bul týraly Ulttyq banktiń baspasóz qyzmetine silteme jasaǵan egemen.kz tilshisi habarlady. Monetanyń bet jaǵynyń (aversinde) ortalyq bóliginde monetanyń nomınalyn bildiretin «100 TEŃGE» degen jazý jáne moneta daıyndalǵan metaldy, onyń synamy men massasyn bildiretin Ag 925 31.1 g degen jazý bar. Jazýlardy aınaldyra ulttyq órnek salynǵan, memlekettik tilde «QAZAQSTAN ULTTYQ BANKI»,  aǵylshyn tilinde NATIONAL BANK OF KAZAKHSTAN dep jazylǵan jáne monshaq tárizdes tizbek júrgizilgen. Monetanyń joǵarǵy bóliginde stıldendirilgen taǵanyń ushynda Ulttyq Banktiń logotıpi jáne Qazaqstan teńge saraıynyń taýar belgisi ornalasqan. Monetanyń syrt jaǵynda (reversinde) altyn jalatylǵan taǵa beınesi ornatylǵan, ortasynda spıral ornalasqan, ony aınaldyra aǵylshyn tilinde FOR LUCK, memlekettik tilde «ISKE SÁT» jáne orys tilinde «NA SChASTE» degen jazýlar bar. Joǵarǵy bóliginde soǵylǵan jylyn bildiretin «2016» degen san berilgen. Monetalardyń bet jáne syrt jaqtaryndaǵy beıneler men jazbalar bederlengen. Qyry tegis, bedersiz jáne jazbalarsyz. Moneta 925 synamdy kúmisten daıyndalǵan, massasy – 31,1 gramm, sıpattalǵan dóńgelek dıametri – 38,61 mıllımetr,  daıyndaý sapasy – proof, eń kóp taralymy – 6 myń dana. Nomınaldyq quny 100 teńgelik eskertkish monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq, bank shottaryna esepteý úshin jáne aýdarym jasaý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady. «Sıqyrly nyshandar» monetalar serııasynan nomınaly 100 teńgelik «Taǵa» eskertkish kúmis monetalary Qazaqstan Respýblıkasynyń Ulttyq Banki, SKARBIEC KORONNY SA aksıonerlik qoǵamy jáne «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqyǵyndaǵy respýblıkalyq memlekettik kásiporny arasyndaǵy monetalar shyǵarý jáne satý týraly kelisimge sáıkes daıyndaldy. Proof sapasymen jasalǵan eskertkish kúmis monetalar kolleksııalyq quny boıynsha satýǵa arnalǵan. Olar kádesyılyq oraýmen shyǵarylady jáne Ulttyq banktiń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan. Talǵat Súıinbaı. Derek, sýret: Ulttyq Banktiń baspasóz qyzmeti.