О́SKEMEN. 4 naýryz. Shyǵys Qazaqstan oblysynda 8-naýryz Halyqaralyq áıelder kúnine arnalǵan saltanatty jıyn ótti. Áıelder qaýymyn kele jatqan merekelerimen oblys ákimi Danıal Ahmetov quttyqtady. Bul týraly Shyǵys Qazaqstan oblysynyń aqparattyq ortalyǵyna silteme jasaǵan egemen.kz tilshisi habarlady.
Ár salada eńbek etip júrgen áıelderdi óńir basshysy marapattap, syılyqtar tapsyrdy. Olardyń qatarynda aýyl sharýashylyǵy, mádenıet, sport, bilim berý salalarynyń ókilderi, jýrnalıster men úı sharýasyndaǵy áıelder, «Kúmis alqa» ıeleri bar. Árqaısysy kásibı jáne azamattyq turǵyda qalyptasqan, joǵary shyǵarmashylyq jetistikterge qol jetkizgen, eńbek qyzmeti men ómirde tabysqa jete bilgen jandar. Aımaq basshysy Danıal Ahmetov búgingi kezdesý Qazaqstan Respýblıkasy Táýelsizdiginiń 25 jyldyq mereıtoıy qarsańyndaǵy alqashqy merekelik shara ekendigin atap ótti.
«El bolashaǵyn erteden oılaǵan Elbasy Nursultan Ábishuly Nazarbaev Táýelsizdiktiń alǵashqy kúnderinen bastap, áıel-ananyń áleýmettik jaǵdaıyna, densaýlyǵyna basa kóńil aýdaryp keledi. Sebebi, er – eldiń ıesi bolsa, áıel – úıdiń kıesi. Qazirgi qoǵamda áıel tek otbasyn oılaıtyn tulǵa ǵana emes, memlekettiń saıası ómirine belsene atsalysyp, elimizdiń strategııalyq mindetterin sheshýge zor úles qosyp otyrǵan qoǵam múshesi», – dedi oblys ákimi Danıal Ahmetov.
Shyǵys óńirinde áıelder qaýymynyń basym bóligi mádenıet, bilim berý, densaýlyq saqtaý syndy áleýmettik salalarda eńbek etedi. Memlekettik basqarý salasynyń jartysy – áıelder. Oblystyń barlyq salalarynda basqarýshy qyzmetin atqaryp júrgen áıelder sany 40 paıyzdy quraıdy. Sonymen qatar, názik jandylar aımaqtyń qoǵamdyq ómirine, azamattyq ınstıtýttardy damytýǵa zor úles qosyp, 13 áıelder men genderlik, memlekettik emes uıymdarǵa, 39 etnomádenı birlestikke jetekshilik etip otyr.
Dýman Anash.
Derek, sýret: Shyǵys Qazaqstan oblysynyń aqparattyq ortalyǵy.
