Sulýlyq. Náziktik. Taǵattylyq. Iskerlik

8 naýryz – Halyqaralyq áıelder kúni qurmetine oraı Qazaqstan Respýblıkasynyń Prezıdenti

N.Á.Nazarbaevpen «Kóktem shýaǵy» kezdesýine qatysqan Qazaqstannyń áıelder qoǵamdastyǵynyń ókilderi

Birǵanym Saryqyzy ÁITIMOVA, Qazaqstan Respýblıkasy Parlamenti Senatynyń depýtaty. 63 jasta, qazaq, Astana qalasynda turady. A.S.Pýshkın atyndaǵy Oral pedagogıkalyq ınstıtýtyn «aǵylshyn tili muǵalimi» mamandyǵy boıynsha, ál-Farabı atyndaǵy Qazaq ulttyq ýnıversıtetin «zańger» mamandyǵy boıynsha támamdaǵan. Qazaqstan Respýblıkasynyń Birikken Ulttar Uıymy janyndaǵy Turaqty ókili (2007-2013), Qazaqstan Respýblıkasynyń Bilim jáne ǵylym mınıstri (2004-2007) laýazymdarynda jumys istedi. Orta mekteptiń muǵaliminen, komsomoldar tálimgerinen bastap mınıstr, Premer-Mınıstrdiń orynbasary, elshi, Qazaqstan Respýblıkasynyń BUU janyndaǵy Turaqty ókili, Parlament Senatynyń depýtaty laýazymdaryna deıingi eńbek jolynyń barlyq qalyptasý kezeńderinen ótken. II dárejeli «Dostyq», «Parasat», «Qurmet» ordenderimen nagradtalǵan, Italııa Respýblıkasynyń Úlken krest kavaleri. Qazaqstan Respýblıkasynyń Tótenshe jáne ókiletti elshisi dıplomatııalyq dárejesi bar. Turmysta, 2 balasy bar. Hobbıi: mýzyka, kıno, teatr, sport (shańǵy, golf, jaıaý júrý). Janar Seıdahmetqyzy AITJANOVA, Qazaqstan Respýblıkasynyń Ekonomıkalyq ıntegrasııa isteri jónindegi mınıstri. 50 jasta, qazaq, Astana qalasynda turady. S.M.Kırov atyndaǵy Qazaq memlekettik ýnıversıtetin «tarıh pániniń muǵalimi» mamandyǵy boıynsha bitirgen. Vena Birikken ınstıtýtynda, Garvard ýnıversıtetiniń Dj.Kennedı atyndaǵy memlekettik basqarý mektebinde (AQSh) bilim alǵan. Ýnıversıtetti bitirgen soń MMÝ, Pragadaǵy Ortalyq Eýropa ýnıversıtetinde taǵylymdamadan ótken. Qazaqstannyń BUU-daǵy ókildiginde baǵdarlamalardy úılestirýshi bolyp istegen. Nıý-Iork qalasyndaǵy BUU DB shtab-páterinde Eýropa men TMD О́ńirlik bıýrosy baǵdarlamalarynyń jetekshisi bolǵan. Indýstrııa jáne saýda vıse-mınıstri, Qazaqstan Respýblıkasynyń Dúnıejúzilik saýda uıymyna kirýi boıynsha kelissózderde Qazaqstan Respýblıkasynyń arnaıy ókili, Qazaqstan Respýblıkasy Ekonomıkalyq damý jáne saýda mınıstri qyzmetterin atqarǵan. «Parasat», «Qurmet» ordenderimen, «Eren eńbegi úshin», I dárejeli «Eýrazııalyq ekonomıkalyq odaqty qurýǵa qosqan úlesi úshin» medaldarymen, mereıtoılyq medaldarmen nagradtalǵan. Turmysta, 2 balasy bar. Hobbıi: qyzyqty nárseniń bárin oqyǵandy unatady. Mýkaram Saıdakımqyzy ABÝBAHRIEVA, «Astana Balet» teatrynyń bas qoıýshy-rejısseri. 33 jasta, uıǵyr, Astana qalasynda turady. S.Seleznev atyndaǵy Almaty horeografııalyq ýchılıshesin jáne T.Júrgenov atyndaǵy Qazaq ulttyq óner akademııasyn bitirgen. О́nertaný magıstri. Mádenıet jáne óner salasyndaǵy Memlekettik shákirtaqynyń ıegeri (2015 jyl). «Jýsan» – jas horeograftyń eń alǵashqy úlken týyndysy. «Jýsan» spektakliniń premerasy Qazaqstannyń balet tarıhyndaǵy ataýly oqıǵa boldy. «Astana Balet» teatry tuńǵysh ret ulttyq tarıhymyzǵa arnalǵan bir aktili spektakl jasap shyǵardy. On jyldan astam ýaqyt boıy – Abaı atyndaǵy memlekettik akademııalyq opera jáne balet teatrynda, 2014 jyldan bastap «Astana Balet» teatrynda bas rejısser bolyp jumys istep keledi. Halyqaralyq «Eýrazııa-2005» kınofestıvaliniń ashylý rásimin uıymdastyrýǵa qatysty. Turmysta, qyz tárbıelep otyr. Hobbıi: sýret salý. Qaraqat Jaqsylyqqyzy ÁBDEN, «Qazaq qyzy» qoǵamdyq birlestiginiń tóraıymy. 41 jasta, qazaq, Astana qalasynda turady. Almaty qalasynda Halyq sharýashylyǵy ınstıtýtyn «ekonomıst-kommersant» mamandyǵy boıynsha támamdaǵan. «Qazaq qyzy» mádenı-adamgershilik qyzdar ınstıtýtynyń quryltaıshysy. Elbasy N.Á.Nazarbaevtyń: «Eń aldymen bizdiń qazaq qyzdarymyzdyń tárbıesine mán berýimiz kerek. Olar – bolashaq jar, bolashaq ana, shańyraǵymyzdyń bolashaq otanasy», – degen sózderi «Qazaq qyzy» avtorlyq jobasynyń jasalýyna negiz boldy. Instıtýt qazaqı jáne eýropalyq ozyq úlgidegi qoǵamdyq-adamgershilik dástúrler negizinde túrli ulttardyń 100-den astam qyzyn oqytyp, tárbıelep otyr, qazaqstandyq qyzdardyń joǵary ımıdji men mártebesin álemdik qoǵamdastyqta pash etýge yqpalyn tıgizýde. Sondaı-aq, ınstıtýt sheteldik dıplomattar tarapynan suranysqa ıe, olar óz qyzdaryn zor qýanyshpen oqýǵa beredi. Ekonomıka ǵylymdarynyń kandıdaty, ár jyldary Memlekettik saıasat ulttyq mektebi dırektorynyń orynbasary, «Nur Otan» partııasy ınnovasııalyq komıtetiniń ınspektory qyzmetterin atqarǵan. Turmysta, 3 balasy bar. Hobbıi: klassıkalyq ádebıet oqý, toǵyzqumalaq, atpen serýendeý, muzoıyqqa túsý. Janar Talǵatbekqyzy BAIJOLDINOVA, 2 óziniń jáne 11 asyrap alǵan balanyń anasy. 40 jasta, qazaq, Astana qalasynda turady. Qazaq memlekettik zań ýnıversıtetin «quqyqtaný» mamandyǵy boıynsha bitirgen. Onyń úlken tatý otbasynda 6 ult ókilderinen 13 bala turyp jatyr: qazaq (5), orys (2), tatar (2), nemis (2), bashqurt, ýdmýrd. Memlekettik qurylymdar men jeke kompanııalarda jumys istegen. «Arýjan» JK-ǵa basshylyq etedi, jetim balalardy asyrap alý salasynda zań, eriktiler qyzmetterin usynýmen aınalysady. Astana jáne Almaty qalalarynda Asyrap alýshy ata-analar klýbyn ashýǵa yqpal etti, júıeli túrde bala asyrap alý máseleleri boıynsha trenıngter ótkizip turady. Maqsaty – jetimdik problemasyna barynsha kóp qazaqstandyqtyń nazaryn aýdarý. «Balalar balalar úılerinde turmaýy tıis», – deıdi ol. О́zi úlgi kórsete otyryp, uldardy da, qyzdardy da asyrap alyp, baqytty etýge bolatynyn dáleldedi. Hobbıi: toqyma toqý, tarıhı ádebıetter oqý. Dınara Raýshanqyzy BAQTYBAEVA, aktrısa. 23 jasta, qazaq, Almaty qalasynda turady. Almatydaǵy energetıka jáne baılanys ýnıversıtetiniń radıotehnıka, elektronıka jáne telekommýnıkasııa fakýltetin «ınjener-baılanysshy» mamandyǵy boıynsha bitirgen. Jas, daryndy aktrısa, «On ı Ona», «Narhoz» fılmderi arqyly jastardyń súıikti keıipkerine aınalǵan. Dınara akterlik qyzmetpen aınalysýdy josparlamaǵan edi, alaıda, «On ı Ona» fılminiń kastıngine shaqyrylǵannan keıin ol óz sheshimin ózgertedi. Fılm ol úshin aktrısalyqtyń alǵashqy satysy boldy. Bıýdjeti 300 myń dollar bolǵan kartına satylymnyń alǵashqy aptasynda-aq ózin ózi aqtap shyqty. Qazirgi ýaqytta túsirilimi Sankt-Peterbýrg qalasynda júrip jatqan, Qazaqstan Respýblıkasynyń Prezıdenti N.Á.Nazarbaev týraly «Juldyzdar osylaı týdy» fılminiń besinshi bóliminde Memleket basshysynyń ortanshy qyzynyń rólin somdaýda. Turmysqa shyqpaǵan. Hobbıi: mýzyka jáne kıno. Rıza Zulqarnaıqyzy BORANBAEVA, Qazaqstan Respýblıkasy Densaýlyq saqtaý jáne áleýmettik damý mınıstrliginiń Pedıatrııa jáne balalar hırýrgııasy ǵylymı ortalyǵynyń dırektory. 52 jasta, qazaq, Almaty qalasynda turady. Qaraǵandy memlekettik medısına ınstıtýtyn «dáriger-pedıatr» mamandyǵy, «onkologııa jáne gematologııadaǵy pedıatrııa» beıini boıynsha támamdaǵan. Medısına ǵylymdarynyń doktory, respýblıkanyń bas shtattan tys balalar onkolog-gematology, «Qazaqstan pedıatrlar odaǵy» QB tóraıymy. R.Boranbaevanyń eńbek joly táýelsiz Qazaqstannyń qalyptasý kezeńimen tuspa-tus keldi. Qaraǵandy qalalyq balalar aýrýhanasynda ýchaskelik pedıatr, odan keıin densaýlyq saqtaý salasynyń túrli baǵytynda eńbek etip, respýblıkalyq deńgeıdegi basshylyq laýazymdarǵa deıin kóterildi. Máskeý qalasyndaǵy Balalar gematologııasy, onkologııasy jáne ımmýnologııasynyń Federaldy ǵylymı-klınıkalyq ortalyǵynda doktorlyq dıssertasııasyn qorǵady. 2 ǵylymı-tehnıkalyq baǵdarlamanyń jetekshisi, 120-dan astam ǵylymı jumystardyń avtory, onyń ishinde 10 ádistemelik usynymdamalar jasaǵany jáne júre paıda bolǵan aplastıkalyq anemııany emdeý tásilderin tapqany úshin 2 avtorlyq kýáligi bar. «Qazaqstan Respýblıkasy densaýlyq saqtaý isiniń úzdigi», «Densaýlyq saqtaý isine qosqan úlesi úshin» tós belgilerimen nagradtalǵan. Turmysta, 2 balasy bar. Hobbıi: júzý, konkımen syrǵanaý, baý-baqshamen aınalysý, gúl ósirý. Jupar Baqtybekqyzy ǴABDÝLLINA, «Astana Opera» memlekettik opera jáne balet teatrynyń sopranosy. 38 jasta, qazaq, Astana qalasynda turady. Qurmanǵazy atyndaǵy Qazaq ulttyq konservatorııasyn «jeke án aıtý» mamandyǵy boıynsha támamdaǵan. Qazaqstan Respýblıkasynyń Tuńǵysh Prezıdenti – Elbasy qorynyń grant ıegeri (2009, 2014 jj.), N.Tilendıev atyndaǵy respýblıkalyq baıqaýdyń Gran-prı ıegeri (2013), «Daryn» Memlekettik jastar syılyǵynyń laýreaty (2012), Ýkraınada ótken «HHI ǵasyr óneri» halyqaralyq vokalshylar konkýrsynyń Gran-prı ıegeri (Kıev, 2010), B.Tólegenova atyndaǵy III halyqaralyq vokalshylar baıqaýynyń III júldeli laýreaty (2007), Ǵ.Jubanova atyndaǵy respýblıkalyq baıqaýdyń I júldeli laýreaty (2005), E.Hasanǵalıev atyndaǵy respýblıkalyq vokalshylar baıqaýynyń I júldeli laýreaty (2003). Italııadaǵy Dj.Pýchchınıdiń «Týrandot» opera ánshileri halyqaralyq jobasyna qatysýshy (Verona, 2009), K.Baıseıitova atyndaǵy HII respýblıkalyq vokalshylar baıqaýynyń dıp­lomanty (Astana, 2002). M.Glınka atyndaǵy halyqaralyq vokalshylar baıqaýynyń Qurmet gramotasymen marapattalǵan (Máskeý, 2009). Elena Sergeevna DANILOVA, «Jastar bastamalary ortalyǵynyń» jetekshisi. 27 jasta, orys, Qostanaı oblysynda turady. Qostanaı memlekettik pedagogıkalyq ınstıtýtyn «shetel tilderi» mamandyǵy boıynsha támamdaǵan. Pedagogtar áýletiniń tórtinshi býyn ókili. «Jastarǵa meıirimdi meken» qanatqaqty jobasynyń jetekshisi. «Jas Ulan» aýdandyq fılıalynyń atqarýshy hatshysy bolǵan. Onyń bas­tamasymen «RAÝAN» jastar qoǵamdyq birlestigi uıymdastyryldy. 10 áleýmettik mańyzy bar jobanyń úılestirýshisi, onyń ishinde jastardy jazda eńbekpen qamtý, ultaralyq kelisimdi nasıhattaý, eriktiler qozǵalysyn damytý jáne t.b. bar. «О́tkensiz bolashaq joq» jobasy jastar arasyndaǵy respýblıkalyq baıqaýda «eriktilik» atalymy boıynsha júldeger atandy. Halyqaralyq erikti jastar sletine qatysýshy ári óńirlik jastar sletin uıymdastyrýshy. Jastardyń «Jastar kóshbasshysy» atalymyndaǵy Altyn kitaptyń laýreaty. Respýblıkalyq «Kózińdi ash» baıqaýy «bilim berý» atalymynyń jeńimpazy, BUU-nyń arnaıy syılyǵymen atap ótilgen. Turmysta, 2 balasy bar. Hobbıi: kıimniń dızaınyn jasaý men tigý. Álııa Bekejanqyzy DÁÝLETBAEVA, aqyn. 39 jasta, qazaq, Atyraý oblysynda turady. H.Dosmuhamedov atyndaǵy Atyraý memlekettik ýnıversıtetin «qazaq tili men ádebıeti pánderiniń» muǵalimi mamandyǵy boıynsha bitirgen. Respýblıkaǵa tanymal aqyn Farıza Ońǵarsynovanyń shyǵarmashylyǵyn úlgi tutqan jan. Oblystyq ámbebap kitaphananyń ǵylymı hatshysy. 2014 jyly onyń otbasy úlgili shańyraq retinde Qazaqstandaǵy Otbasy kúnine oraı Atyraý oblysynyń ákimimen saltanatty kezdesýge shaqyryldy. Halyqaralyq «Shabyt» festıvaliniń laýreaty, B.Momyshulynyń 100 jyldyǵyna jáne Tóle bıdiń 350 jyldyǵyna arnalǵan jyr músháıralarynyń júldegeri. T.Ysmaıylov atyndaǵy «Shyǵys shynary» halyqaralyq jyr baıqaýy syılyǵynyń ıegeri. 2015 jyly Qazaq handyǵynyń 550 jyldyǵyna arnalǵan «Salqam Jáńgir» halyqaralyq baıqaýynyń júldesin jeńip aldy. Turmysta, 4 balasy bar. Hobbıi: kitap oqý, aspazdyq. Maııa Erbolatqyzy EGIMBAEVA, «Astana EKSPO-2017» UK» basqarýshy dırektory. 38 jasta, qazaq, Astana qalasynda turady. Qazaq memlekettik zań ýnıversıtetin «quqyqtaný» mamandyǵy boıynsha bitirgen. 1998 jyldan 2012 jylǵa deıin Qazaqstan Respýblıkasynyń Qarjy mınıstrligi zań qyzmeti departamentinde, Qazaqstannyń munaı-gaz sektorynda túrli laýazymdarda jumys istegen. О́ziniń «Astana EKSPO-2017» UK» AQ-taǵy jumysyn 2013 jyly zań departamentiniń dırektory laýazymynan bastaǵan. «Astana qalasynda EKSPO-2017 halyqaralyq mamandandyrylǵan kórmesin uıymdastyrý men ótkizý máseleleri boıynsha Qazaqstan Respýblıkasynyń keıbir zań aktilerine ózgerister men tolyqtyrýlar engizý týraly» Qazaqstan Respýblıkasynyń Zańyn jasaýǵa belsene atsalysty. 2015 jyly Astana qalasyndaǵy Áıelderdiń tórtinshi eýrazııalyq sammıtiniń (EWS IV) spıkeri boldy. «Qazaqstan Respýblıkasynyń Konstıtýsııasyna – 20 jyl» mereıtoılyq medalimen nagradtalǵan. Turmysta, 2 balasy bar. Hobbıi: sporttyń belsendi túrleri, ádebıet jáne óner. Tolǵanaı Pıonerqyzy ELEKBAEVA, «Qazaq oıýlary» JShS dırektory. 41 jasta, qazaq, Astana qalasynda turady. Abaı atyndaǵy Almaty memlekettik ýnıversıtetin «qazaq tili men ádebıeti pánderiniń muǵalimi» mamandyǵy boıynsha, Reseı Federasııasynyń Ulttyq bilim máseleleri ınstıtýtynyń aspırantýrasyn bitirdi. Ár jyldary Reseıdiń Altaı Respýblıkasynyń Qos-Aǵash orta mektebinde, Qazaqstan Respýblıkasynyń Reseı Federasııasyndaǵy elshiliginiń janyndaǵy Mádenıet ortalyǵynda qazaq tili men ádebıetiniń oqytýshysy; Morıs Torez atyndaǵy Máskeý memlekettik lıngvıstıkalyq ýnıversıtetinde qazaq tiliniń oqytýshysy, Reseı Bilimdi damytý federaldyq ınstıtýtynyń janyndaǵy Ulttyq bilim máseleleriniń ortalyǵynda aǵa ǵylymı qyzmetker, M.V.Lomonosov atyndaǵy Máskeý memlekettik ýnıversıtetinde qazaq tiliniń oqytýshysy bolyp jumys istedi. 2009 jyly Qazaqstanǵa turaqty turý úshin kóship kelgennen beri qazaq oıýlaryn paıdalana otyryp, kilemderge arnalǵan dızaınmen aınalysa bastady. 2012 jyly ıtalııalyq tehnologııa boıynsha jún shulyqtardy shyǵarýmen aınalysatyn Astana shulyq fabrıka­sy «Bota» JShS-in qurdy. 2014 jyldan beri «Qazaq oıýlary» JShS-ne basshylyq etedi, túıe júninen jasalǵan syrma kórpeler men jastyqtardy shyǵarýmen aınalysady. Turmysta, 3 balanyń anasy. Hobbıi: kitap oqý, júzý. Tamaraasar Qalnııazqyzy JANQUL, ánshi. 40 jasta, qazaq, Astana qalasynda turady. Almaty qalasyndaǵy Qyzdar pedagogıkalyq ınstıtýtynyń mýzykalyq fakýltetin, sondaı-aq, Reseı qazirgi zamanǵy óner ınstıtýtynyń estrada jáne djaz fakýltetin támamdaǵan. Tamaraasar kóptegen qazaqstandyq úshin erik-jigerdiń, batyldyq pen belsendiliktiń úlgisi, avtomobıl apatynan keıin jap-jas ol – aıaǵynan aıyrylsa da sahnaǵa shyǵýǵa júreksinbegen ánshi. Ol qaıtadan án salyp, halyqqa qýanysh syılaý úshin jigerin janı bildi. Qazirgi kezde Mańǵystaý oblystyq fılarmonııasynda halyq aspaptar orkestriniń ánshisi. «Mańǵystaý daýysy» konkýrsynyń laýreaty (1996 j.), Qyzdar pedagogıkalyq ınstıtýtynda oqyp júrgen kezinde «Aıgúl», «Ular» ansamblderine qatysty. Sh.Aımanov atyndaǵy «Qazaqfılm» kınostýdııasynda «Armannyń aq jelkeni» derekti fılmine tústi. 2000 jyly «Arıaıdaı» folklorlyq aýdıojınaǵyn shyǵardy. Mahambet О́temisulynyń 200 jyldyǵyna arnalǵan respýblıkalyq baıqaýdyń Gran-prı ıegeri. «Qurmet» ordenimen marapattalǵan, «Serper» memlekettik jastar syılyǵynyń laýreaty. Er bala tárbıelep otyr. Hobbıi: keste tigý, jylqy ósirýmen de aınalysady. Janar Erkinqyzy YBYRAEVA, Zymyrandy artıllerııalyq kemeniń áskerı bóliminiń radıobaılanysshysy. 27 jasta, qazaq, Mańǵystaý oblysynda turady. Astana qalasynda Qazaq memlekettik zań ýnıversıtetin aıaqtaǵan. Kaspıı mańy memleketteriniń áskerı-teńiz kúshterinde qyzmet etetin birinshi jáne jalǵyz qyz bolyp tabylady. Reseı aýmaǵynda ótken «Kaspıı teńizi-2015» halyqaralyq jarystaryna qatysty. J.Ybyraevanyń sheberligi arqasynda Reseı Federasııasynyń Mahachkala portynan Aqtaý qalasyndaǵy áskerı-teńiz bazasymen úzdiksiz turaqty baılanys qamtamasyz etildi. Keme ekıpajynyń quramynda kemede jasalǵan áskerı atystardy qamtamasyz ete otyryp, eki ret Kaspıı teńizi boıynsha shuǵyl júzýlerge shyqty. 2011 jyly kúshtik qurylymdar arasynda armrestlıngten ótken respýblıkalyq vedomstvoaralyq jarystardyń jeńimpazy atandy. Qazaqstan telearnasyndaǵy «Shyn júrekten» telebaǵdarlamasyna qatysqan. «Tuńǵysh baılanysshy jaýynger» atalymynyń jeńimpazy. «Qazaqstan Respýblıkasynyń Qarýly Kúshterine 20 jyl», «Qazaqstan Respýblıkasyndaǵy áskerı-teńiz kúshterine 20 jyl» mereıtoılyq medaldarmen marapattalǵan. Sondaı-aq, Qorǵanys mınıstrligi basshylyǵynyń jáne QR QK ÁTK Bas qolbasshysynyń kóptegen marapattaýlaryna ıe. Turmys qurmaǵan. Hobbıi: sporttyq oıyn túrleri, qolóner. Damıra Áshimhanqyzy QANAEVA, bıolog ǵalym. 32 jasta, qazaq, Astana qalasynda turady. Ál-Farabı atyndaǵy Qazaq ulttyq ýnıversıtetiniń bıologııa fakýltetin támamdaǵan. Prezıdenttiń «Bolashaq» baǵdarlamasy boıynsha Amerıkanyń Arkanzas ýnıversıtetinde molekýlalyq jáne jasýshalyq bıologııa fakýltetinde PhD dárejesin alǵan. Energetıkalyq zertteýler ortalyǵynda ǵylymı qyzmetker bolyp istedi, NURIS JM aǵa ǵylymı qyzmetkeri. Qazirgi kezde Nazarbaev Ýnıversıtettiń Ǵylym jáne tehnologııalar mektebiniń assıstent-professory, sondaı-aq, NURIS/NLA JM Pánaralyq aspaptyq ortalyǵy dırektorynyń mindetin qosa atqarady. Týberkýlez jáne obyr aýrýlaryn erte dıagnostıkalaý ádisterin zertteýmen aınalysady. Bıosensorlar men bıoaspaptar, mıkrobıologııa, ımmýnobıologııa, flýoressentti ádister men tehnologııalarǵa arnalǵan zerthanalardy qurýdy úılestirdi. Halyqaralyq ǵylymı jýrnaldardaǵy joǵary ımpakt faktory bar ǵylymı jarııalanymdardyń avtory. Onyń stýdentteri eki jyl boıy sıntetıkalyq bıologııa boıynsha Boston qalasyndaǵy (AQSh) «iGEM» (International Genetically Engineered Machine) halyqaralyq jarystarda júldeli oryndardy ıelenip keldi. Bilim jáne ǵylym mınıstrligi ǵylymı-tehnıkalyq baǵdarlamalary men granttarynyń jetekshisi jáne qosymsha jetekshisi bolyp tabylady. Turmys qurǵan, bir qyz tárbıelep otyr. Hobbıi: sporttyq júgirý. Aına Jolamanqyzy KENESARINA, Aqtóbe ferroqorytpa zaýytynyń mehanıkalyq jóndeý sehynyń tokari 29 jasta, qazaq, Aqtóbe oblysynda turady. Taý-ken kolledjin tokar mamandyǵy boıynsha bitirgen. Dóń taý-ken baıytý kombınatynda jumys istegen. 3 razrıadty tokar ári frezershi. Ekpindi tokar týraly «Tokar qyz» atty maqala 2014 jyly «Egemen Qazaqstan» gazetinde jaryq kórdi. Oqyrmandar kóp balaly otbasynan shyǵyp, er adamnyń mamandyǵyn tańdaǵan qaısar tokar qyzdyń ómiri týraly osy kezde oqyp bildi, qyz balanyń qarapaıym jumysshy mamandyǵyn tabandylyqpen ıgergenine súısinis bildirdi. Úlken de yntymaqty otbasynda, Aınadan basqa 5 aǵasy men 4 ápkesi bar. 2003 jyly Aına­nyń anasy Gúlsara Qabaqaıqyzy Kenesarına «Altyn alqa» ıegeri atandy. Turmys qurmaǵan. Hobbıi: sport jáne mýzyka. Tóleý Kokoshqyzy QUShMANOVA, sharýa qojalyǵynyń basshysy. 55 jasta, qazaq, Pavlodar oblysynda turady. Aýylsharýashylyq tehnıkýmyn veterınar mamandyǵy boıynsha támamdaǵan. 2012 jyly Nazarbaev Ýnıversıtette bıznes-kýrstan ótken. Astana qalasynda bolǵan «Qaraótkel» kórmesi altyn medaliniń ıegeri (2012 j.), Iаkýtııadaǵy «Qymyz – qudaılar sýsyny» halyqaralyq baıqaýynyń jeńimpazy (2015 j.), 2013 jyly «Qazaqstannyń eń úzdik ta­ýary» konkýrsynda 3-shi oryndy enshilegen. Otandyq taýar óndirýshiler arasynda ótken «Halyq markasy» baıqaýyna qatysýshy, 2015 jyly aýylsharýashylyq taýarlaryn satatyn baýyrsaq dúkenin ashty. Onyń «Saǵyp» sharýa qojalyǵynda 36 adam jumys isteıdi. Munda táýlik saıyn óndiriletin bıe sútiniń kólemi 1,2 tonnany quraıdy. Reseıge qymyz tasymaldaý úshin «RýsTreıd» reseılik kompanııasymen memorandýmǵa qol qoıdy. Aldaǵy ýaqytta Qytaıǵa qymyz ben qurt jetkizý úshin kelisimshartqa qol qoıylmaq. 2006 jyldan 2011 jylǵa deıin «Kýshmanova» jeke kásipkerligine basshylyq etti. Qazirgi ýaqytta «Saǵyp» sharýa qojalyǵynyń basshysy. «Bıznestiń jol kartasy-2020» baǵdarlamasyna qatysýda. Turmys qurǵan, 3 balasy bar. Hobbıi: jylqy ósirýmen aınalysady. Elena Vladımırovna LEVINA, jıhaz fabrıkasynyń basshysy. 43 jasta, orys, Soltústik Qazaqstan oblysynda turady. Máskeý gýmanıtarlyq akademııasyn áýeli «Menedjment» mamandyǵy boıynsha, keıin «Iýrısprýdensııa» mamandyǵy boıynsha támamdaǵan. Ol qaıyń aǵashynan jıhaz jasap shyǵarýmen jáne satýmen aınalysatyn otbasy bıznesin qurdy. Levınderdiń otbasylyq bıznesi jaqsy damyp keledi. Kásiporynda 160 adam jumys isteıdi. О́nim elimizde keńinen tanymal, Reseıge de jetkizilip turady, ataqty «IKEA» jıhaz fabrıkasyna taýardyń alǵashqy partııasyn jetkizý boıynsha kelisimshartqa qol qoıyldy. «Levın» kásiporny kóptegen respýblıkalyq jáne oblystyq konkýrstardyń jeńimpazy. Atap aıtqanda, «Altyn sapa», «Qazaqstannyń úzdik taýary», «Paryz», «Jyldyń úzdik kásipkeri». Sondaı-aq, «Ajar» Qazaqstan áıelderin qoǵamdyq moıyndaý ulttyq syılyǵynyń laýreaty (2012, 2015 jj.). Shyǵarylǵan ónim sapasy úshin kompanııa 5 medalmen (3 kúmis, 2 qola) marapattalǵan. Turmys qurǵan, 4 balasy bar. Hobbıi: poe­zııa (eki óleń jınaǵyn shyǵarǵan), sýret salý, qolóner, monshaqpen kesteleý. Larısa Sergeevna MITROHINA, stýdent, qazaq tili boıynsha baıqaýlardyń júldegeri 19 jasta, orys, Almaty oblysynda turady. I.Jansúgirov atyndaǵy Jetisý memle­kettik ýnıversıtetiniń «Esep jáne aýdıt» mamandyǵy boıynsha 1 kýrs stýdenti. Kóksý aýylsharýashylyq kolledjin bitirgen. «Nur Otan» partııasy jastar qanatynyń múshesi, «Nur Otan» partııasy Taldyqorǵan qalalyq fılıaly saıası mektebiniń 2014 jylǵy túlegi. Larısa Mıtrohına qazaq tilin de jetik meńgergen, Abaı óleńderin jatqa oqıdy. Mektep pen kolledjde olımpıadalarǵa, mánerlep oqý baıqaýlaryna jáne basqa da memlekettik til sharalaryna qatysyp, júldeli oryndarǵa ıe bolǵan. Jastar isi jónindegi komıtettiń múshesi bola júrip, Larısa ýnıversıtettiń qoǵamdyq ómirine belsene atsalysady. Stýdentter men qala jurtshylyǵy aldynda jıi sóz sóıleıdi. Sondaı-aq, Stýdentter assambleıasynyń múshesi, Qazaqstan men basqa elderdiń tarıhyna, mádenıetine, salt-dástúrleri men ádet-ǵuryptaryna qyzyǵýshylyq tanytady. Larısa elgezek ári júregi jumsaq jan. Onyń bastamasymen stýdentter arasynda balalar úıiniń tárbıelenýshilerine kómek kórsetý úshin «Júrekten júrekke...» qaıyrymdylyq aksııasy uıymdastyryldy. Turmys qurmaǵan. Hobbıi: sportpen shuǵyldaný (voleıbol, basketbol). Margarıta Táýkenqyzy NURMAǴANBETOVA, «Murager» mamandandyrylǵan mektep-ınternatynyń dırektory. 42 jasta, qazaq, Qaraǵandy oblysynda turady. E.Bóketov atyndaǵy Qaraǵandy memlekettik ýnıversıtetin «Hımııa» mamandyǵy boıynsha bitirgen. Hımııa ǵylymdarynyń kandıdaty. Professor O.Sh.Qurmanálıev atyndaǵy syılyqtyń laýreaty. M.Nurmaǵanbetovanyń basshylyǵymen «Murager» mektebi 2013-2015 jyldary ǵylym negizderi boıynsha ótken respýblıkalyq olımpıadanyń oblystyq kezeńinde «Úzdik olımpıadalyq komanda» bolyp tanyldy. Olımpıadalyq qozǵalysqa adaldyǵy úshin mektep «Daryn» respýblıkalyq ǵylymı-praktıkalyq ortalyǵynyń gramotasymen marapattaldy. M.Nurmaǵanbetovanyń ǵylymı zertteýleriniń negizgi nátıjeleri reseılik «Jalpy hımııa», «Organıkalyq hımııa» jýrnaldarynda, sondaı-aq «Russian Jornal of General Chemistry» jýrnalynda jarııalandy. Jyl saıyn respýblıkalyq jáne halyqaralyq konferensııalarǵa qatysyp turady. Eńbekteriniń tizimi 70 jarııalanymnan asady, olardyń ishinde 1 avtorlyq kýáligi de bar. Ul tárbıelep otyr. Hobbıi: mýzyka, júzý, voleıbol, ústel tennısi. Perızat Erbolatqyzy ORALBAEVA, selolyq okrýg ákimi 30 jasta, qazaq, Shyǵys Qazaqstan oblysynda turady. Shákárim atyndaǵy Semeı memlekettik ýnıversıtetin «Jerge ornalastyrý jáne jer resýrstary» mamandyǵy boıynsha, «Kókshe» akademııasyn «Zańger» mamandyǵy boıynsha támamdaǵan. Eńbek jolyn «Aıagóz aýdanynyń jer qatynastary bólimi» memlekettik mekemesinde bas maman bolyp bastaǵan. Keıin Úrjar aýdandyq statıstıka bóliminiń jetekshi mamany, 2013 jyldyń qazanynan Aqtoǵaı kenti ákiminiń orynbasary qyzmetterin atqarǵan. 2014 jyldyń shildesinen bastap búgingi kúnge deıin Shyǵys Qazaqstan oblysy Jarma aýdany Úshbıik selolyq okrýginiń ákimi bolyp tabylady. Ákim laýazymynda jumys istegennen beri 2014 jyly aýyldyq klýbtyń aǵymdaǵy jóndeýi, 2015 jyly sý qubyrlary júrgizilip, kóshe jaryqtandyryldy. Bilikti basshy bedeline, joǵary uıymdastyrýshylyq ári kóshbasshylyq qasıetterge ıe, aýyl turǵyndarynyń qurmetine bólengen jan. Turmys qurǵan, 1 ul tárbıelep otyr. Hobbıi: kitap oqý, shahmat oınaý, voleıbol jáne basketbol. Sholpan Vıktorqyzy SYZDYQOVA, «Delovoı Mır Astana» baspasynyń dırektory, bas redaktory. 39 jasta, qazaq, Astana qalasynda turady. «Otbasym» jýrnalynyń bas redaktory, «Otbasym» Ulttyq qundylyqtar ortalyǵynyń tóraıymy. Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń hatshysy bolyp tabylady. Otandyq kitap basyp shyǵarý ındýstrııasyn damytýǵa aıtarlyqtaı úles qosyp keledi. Onyń basshylyǵymen 130-dan asa kitaptar basylyp shyǵaryldy. Olardyń tusaýkeser rásimderi halyqaralyq kórmeler men Qazaqstannyń sheteldegi elshilikterinde ótkizildi. Olardyń ishinde: Qazaqstan Respýblıkasy Tuńǵysh Prezıdentiniń 1991-2014 jyldardaǵy qyzmet hronıkasy (20 tomdyq), «Jańa Qazaqstan» serııasy (12 kitap), eki tildegi «N.Á.Nazarbaevtyń ómirbaıany», «Máńgilik El», «Nurly Jol – bolashaqqa bas­tar jol», «2050 Strategııasy» úsh tomdyǵy jáne basqalary bar. «Eren eńbegi úshin» medalimen, Qazaqstan Respýblıkasynyń Táýelsizdigine 10 jyl» mereıtoılyq medalimen, «Kitap mádenıetine qosqan zor úlesi úshin» jáne «Aqparat salasynyń úzdigi» vedomstvolyq medaldarymen marapattalǵan. Turmys qurǵan, 4 balasy bar. Hobbıi: kitap oqý, sýret salý, qazaqstandyq poshta markalary men monetalar kolleksııasyn jınaýshy. Dinzýhra Nurǵısaqyzy TILENDIEVA, aktrısa, orkestrdiń bas dırıjeri. 31 jasta, qazaq, Almaty qalasynda turady. Qurmanǵazy atyndaǵy Qazaq ulttyq konservatorııasynyń sımfonııalyq orkestr dırıjeri fakýltetin támamdaǵan. «Otyrar sazy» memlekettik akademııalyq folklorlyq-etnografııalyq orkestriniń dırıjeri bolyp jumys isteıdi, Qazaqstan Respýblıkasynyń eńbek sińirgen qaıratkeri. KSRO halyq ártisi, daryndy kompozıtor Nurǵısa Tilendıevtiń qyzy. Dinzýhra – TMD-daǵy eń jas dırıjer qyz. Jastaıynan mýzykamen áýestengen. Ákesi jazǵan 500-den astam týyndyny jatqa biledi ári kóptegen qazaq ulttyq aspaptarynda oınaı alady. Dinzýhra 4-synypta júrip-aq «Otyrar sazy» orkestrimen birge Mosarttyń 8-shi konsertin tamasha oryndap shyqqan. Ol kezderi bul orkestrge Nurǵısa Tilendıevtiń ózi dırıjerlik etetin. 2009 jyldyń shildesinen bastap Dinzýhra Nurǵısaqyzy «Otyrar sazy» memlekettik akademııalyq folklorlyq-etnografııalyq orkestriniń bas dırıjeri bolyp tabylady. Turmys qurǵan, 1 qyz tárbıelep otyr. Hobbıi: at sporty, aspazdyq. Altynaı Qanadilqyzy TOQPANOVA, kóp balaly ana. 41 jasta, qazaq, Jambyl oblysynda turady. «Kúmis alqa» ıegeri, «Altyn alqamen» marapattaýǵa usynylǵan. Altynaı qazirgi ýaqytta úı sharýasymen jáne 7 balany tárbıeleýmen aınalysady. Úlgili otbasynyń otanasy. Mektep jasyndaǵy 4 balasy «óte jaqsy» jáne «jaqsy» oqıdy. Túrli baıqaýlarǵa qatysady. Sporttyq jarystardyń júldegerleri. 3 balasy balabaqshaǵa baryp júr. Jubaıy Jambyl temirjol bólimshesinde poıyz dıspetcheri bolyp jumys isteıdi. Temirjol salasyndaǵy jalpy eńbek ótili 16 jyl. Altynaıdyń aıtýynsha, olardyń otbasynda temirjolshylar áýleti qalyptasyp keledi, sebebi, ol ózi men jubaıy ekeýi ǵana emes, oǵan qosa, qaıyn aǵasy da balalarymen osy salada eńbek etedi eken. Sonymen qatar, onyń ákesi 30 jyldan astam ýaqyt Qazaqstan temirjolynda jumys istepti. Otbasynyń kóp balaly bolý dástúri de urpaqtan urpaqqa jalǵasyp keledi. Altynaıdyń qaıyn enesi de 10 bala taýyp ósirgen Batyr ana bolyp tabylady. Hobbıi: bı, aspazdyq, kitap oqý, aǵylshyn tili. Jazıra Ábdirahmanqyzy JAPPARQUL, aýyr atletshi, Qazaqstan Respýblıkasynyń eńbek sińirgen sport sheberi. 23 jasta, qazaq, Ońtústik Qazaqstan oblysynda turady. Shymkenttegi M.Áýezov atyndaǵy memlekettik ýnıversıtettiń dene shynyqtyrý jáne sport fakýltetiniń 2-kýrsynda oqıdy. Kóp balaly otbasynda týǵan. Bala kezinde fýtbol oınaýdy jaqsy kóredi eken. 8 jasynan bas­tap ziltemir kóterýmen áýestengen. 2010 jyly alǵashqy zor jetistikterin kórsete bastady. Azııanyń jasóspirimder chempıonatynda 2-shi oryndy ıelendi. Osy jyly ol Jasóspirimder olımpıadasynyń chempıony atandy. 69 kıloǵa deıingi sanatta jasóspirimder arasynda 2012 jylǵy álem chempıony, Almaty jáne Hıýston qalalaryndaǵy (2014) Álem chempıonatynyń eki márte kúmis júldegeri. Qazirgi ýaqytta Shymkent qalasynda turyp, jattyǵýda. Turmys qurmaǵan. Hobbıi: mýzyka, salt atpen júrý.