Halyqaralyq oıyndarǵa daıyndyq tekserildi

Keshe Qazaqstan Respýblıkasynyń Qorǵanys mınıstri Imanǵalı Tasmaǵambetov «Otar» áskerı bazasynyń aýmaǵynda «ArMI-2016» Armııa halyqaralyq oıyndaryn ótkizýdi uıymdastyrý jóninde kóshpeli keńes ótkizdi. Bıylǵy jyldyń jazynda ártúrli memleketterdiń qarýly kúshteri áskerı qyzmetshileriniń dalalyq, áýe jáne teńiz daǵdysy boıynsha Armııa halyqaralyq oıyndarynyń 23 baıqaýynyń ótkizilýi josparlanǵan. Oıyndar Qazaqstan men Reseı Federa­sııasynyń aýmaǵynda alǵash ret ótedi. Elimizde «Artıllerııalyq atys sheberi» jáne «Mergen shebi» atty 2 baı­qaýdy ótkizý josparlanýda. Áskerı qyzmetshilerimiz barlyq atalymdarda, naqtyraq aıtsaq, 21 konkýrsta usynylady. «Artıllerııalyq atys sheberi» baıqaýyna árbir memleketten 21 adamnan quralǵan komanda, onyń ishinde 5 adamǵa deıin 3 mınaatqysh eseptoby qatysady. Baıqaýdy ótkizý úshin ár komandaǵa kóp nysanaly jeńil brondalǵan tartqysh, mınaatqyshtar, avtomattar jáne granataatqyshtar usynylatyn bolady. «Mergen shebi» baıqaýyna árbir memleketten 7 adamnan turatyn komanda, onyń ishinde 3 mergendik jup qatysady. Baıqaýdy ótkizý úshin ár komandaǵa optıkalyq kózdeýishi jáne «Aselsan» túngi kózdeýishi bar Dragýnovtyń mergendik vıntovkalary usynylady. О́tken jyly alǵashqy «ArMI-2015» halyqaralyq oıyndary ótkenin esterińizge sala keteıik. Oǵan álemniń 17 eli keldi. Qazaqstannyń Qarýly Kúsh­teri úsh konkýrsqa, ıakı, áskerı teńizshiler men teńiz jaıaý ásker­leri – «Kaspıı teńizine», áskerı ushqysh­tar – «Avıadartsqa», tankishi­ler – «Tank bıatlonyna» qatysty. Saıys qorytyndysy boıynsha Qa­zaq­stan Qarýly Kúshteriniń áskerı qyzmet­shileri «Avıadarts» pen «Kaspıı teńizinde» ekinshi oryndy jáne «Tank bıatlonynda» tórtinshi oryndy qanjyǵalaǵan edi.   «Egemen-aqparat».