183 komıssııa jumysqa daıyn

Túrli saılaý komıssııalarynda ár baǵyttaǵy joba usynǵan depýtattardy tirkeý júrip jatyr. Osyǵan oraı qalalyq ákimdikte jıyn ótip, qalalyq máslıhat depýtattary da saılaý jaıly pikirlerin aıtyp, ortaǵa saldy. Halyq qalaýlylary bul saılaý asa mańyzdy, daǵdarysqa oraı jańa baǵyttaǵy baǵdarlamalar qabyldanýy kerek jáne Prezıdent reformalaryn júıeli túrde iske asyrý asa qajet, dedi. Qazaqstan ekonomıkasy osynaý daǵdarys ýaqytynda qoldaýdy kútedi. Al jańarǵan depýtattyq quram osy baǵytta ilkimdi eńbek eteri sózsiz. – Halyq jańarǵan depýtattar quramynan úlken úmit kútip otyr, – dedi Semeıdegi aımaqtyq saı­laý komıssııasynyń tóraǵasy Zeınolla Toqaev. – О́ıtkeni, mundaı tyń qadamdar eldi alǵa bastary sózsiz. Prezıdentimiz qandaı sheshim qabyldasa da ol halyqtyń bolashaǵy úshin jasalatyn tyń jobalar bas­tamasy. Jańa saılaý memleket pen qoǵamnyń Ult Josparyna, ekonomıka men eldi daǵdarystan qorǵaý mindetterine jumylýyna múmkindik beredi. Bul elimizdiń barlyq azamattaryn tolǵandyratyn óte mańyz­dy mindet. Osy rette biz kezekten tys saılaý kún tártibindegi ózekti máselelerge qatysty qoǵamdyq mámile men kelisimdi nyǵaıta túsetinine senimdimiz. Osynyń bar­­lyǵy ishki saıası birlik pen turaqtylyqty nyǵaıtyp, Elbasynyń júrgizip otyrǵan saıasaty aınalasynda birigý úshin qajet. Bul elimizdiń jahandyq synaqtardan abyroımen ótýi úshin de asa mańyzdy kezeń. Semeıdegi aımaqtyq saılaý komıssııasynyń tóraǵasy Zeı­nol­la Toqaevtyń aıtýynsha, ótken jyldardaǵy saılaýlarǵa oraı qalada saılaý ýchaskeleri naqty bekitilgen. Jáne qosymsha úsh saılaý ýchaskesi jańadan ashylyp otyr. Halyqtyń emin-erkin óz daýystaryn berýi máselesi de qarastyrylyp otyr. Ár saılaý komıssııasynda jeti maman jumys isteıdi. О́tken jylǵy Prezıdent saılaýynan keıin saılaý komıssııasynyń quramy jańardy. Jańadan kelgen osy isti júrgizýshi mamandarǵa arnaıy semınar ótkizilip, olar saılaýdy qalaı ótkizý kerektigi týraly aqparattar alǵan. Raýshan NUǴMANBEKOVA.SEMEI.