Damýǵa bastar dańǵyl

Alashqa astana bolǵan Aq­meshitte «Aımaqtyq ekonomıkany ártaraptandyrý: keleshegi men mindetteri» taqyrybynda sarapshylar forýmy ótti. Keleli keńesti uıymdastyrýshy – Pre­zıdent janyndaǵy Qazaq­stan strategııalyq zertteýler ınstıtýty. Forýmnyń ótýine muryndyq bolǵan Erlan Qarın Qyzylorda topyraǵyna Bórihan Nurmuhamedov, Berik Ábdiǵalıuly, Aıdos Sarym, Andreı Chebotarev sekildi erkin oıly saıasattanýshylardy alyp kelip, aımaqtaǵy ekonomıkany ártaraptandyrýǵa qatysty súıekti oılarymen bólisti. Sonymen qatar, jıynǵa ózge de memleket jáne qoǵam qaıratkerleri, memlekettik organdar, úkimettik emes uıymdar men qoǵamdyq birlestikterdiń ókilderi qatysty. Sarapshylar Elbasy usynǵan reformalardy júzege asyrýdyń negizgi baǵyttaryn talqylady. Ásirese, aımaqtyq ekonomıkany ártaraptandyrý máseleleri, «Nurly Jol» baǵdarlamasynyń maqsaty men mindetteri jóninde keńinen áńgimeledi. Údemeli ındýstrııalyq-ınnovasııalyq damý jáne «Nurly Jol» baǵ­darlamalary aıasynda Qyzylorda oblysynda júzege asyp jatqan jobalardyń jaı-japsary ortaǵa salynyp, onyń óńir ekonomıkasyna oń áseri sóz boldy. – «Nurly Jol» – bizdiń ınfra­­­qu­rylymnyń, joldardyń, energetı­kanyń basqa da qu­ry­lymnyń má­selesin kóteretin baǵ­darlama. Bul baǵdarlama arqyly Qazaqstan­daǵy jumyssyzdyqpen kúresý, jańa jumys oryndaryn ashý, Qazaq­stan­daǵy ekonomıkany ártaraptandyrý úderisi júzege asyrylady,– deıdi Ulttyq zertteýler ınstıtýtynyń dırektory Bórihan Nurmuhamedov. Jalpy, jaǵdaıy munaı men ýranǵa tikeleı baılanysty Qy­zyl­­orda oblysy úshin ekonomıkany ártaraptandyrý eń paıdaly istiń biri desek bolatyndaı. Máselen, aımaqqa ákim bolyp kelgeli Qyrymbek Kósherbaev osy máselemen tikeleı aınalysa bastady. Sonyń arqasynda Araldaǵy balyq pen tuz óndirisi jandandy. Qyzylorda qalasynda Shyny zaýytynyń qurylysy bastaldy. Mııa óndirisi qolǵa alyndy. Shıeli aýdanyndaǵy Balasaýysqandyq ken ornynyń jumysy jandandy. Jańaqorǵandaǵy «Shalqııasınk» zaýytynyń jumysy jolǵa qo­ıyl­dy. Aınalasy úsh jyldyń ishinde aımaq ekonomıkasy ártarap­tandyrylyp, munaıdyń baǵasy kúrt tómendep ketken osy kezeńde paıda tabýdyń jańa joldary qarastyryldy. Atakásip – kúrish óndirisinde damý baıqalyp, sońǵy eki jylda óńir dıqandary rekordtyq ónim jınady. Sarapshylardyń pikirinshe, Elbasy usynǵan ınstıtýttyq reformalar – el damýynyń aıqyn baǵyty ári jańa múmkindikter bolyp tabylady. Muny Syr eli de sezinip otyr. Máselen, ındýstrııalandyrý baǵdarlamasynyń alǵashqy besjyldyǵynda aımaqty 17 joba júzege asyp, ónerkásip óndirisi 3 esege artqan. – Syr óńirinde serpin bar. Má­selen, bıyl halyqaralyq «Batys Qytaı – Batys Eýropa» avtodáliziniń qurylysy aıaqtalady. «Baıqońyr» ǵarysh aılaǵynda týrızmdi damytý qolǵa alyndy. Aımaqtyń osyndaı jetistikteri óte kóp. Biz sarapshy retinde aıtýly bastamalardyń bolashaǵyn baǵamdap, oń baǵa berip otyrmyz, – dedi «Alternatıva» kókeıkesti zertteýler ınstıtýtynyń dırektory Andreı Chebotarev. Eń bastysy, múmkindik bar, baǵyt aıqyn. Endi el ekonomıkasyn órge súıreıtin aıtýly bastamalardy qoldap, strategııalyq josparlardy jumyla oryndaý qajet. Sonda ǵana el tuǵyryn nyq­tap, damýdyń taǵy bir belesin baǵyndyra alamyz. Forým bary­syndaǵy san-alýan pikirdiń ortaq baılamy osyndaı boldy. Erjan BAITILES, «Egemen Qazaqstan».