Jas jazýshynyń joly ashyldy

Taldyqorǵanda «Abaı já­ne HHI ǵasyr» halyqaralyq klý­bynyń prezıdenti, tanymal jazýshy-bas­pager Rollan Seı­senbaevtyń «Meniń 100 ki­tabym» atty se­rııasy­men shyqqan Nursultan Nazarbaev: «Knıga razdýmıı», Júsip Ba­lasa­ǵun: «Aqyl kitaby», «Desh­ti-qyp­shaq jyrlary», Ábý Nasyr ál-Fa­rabı: «Qaıyrymdy qala» jáne orys tilinde jazatyn jas qa­lamgerler kitaptarynyń tusaý­keser rásimi ótti. Ony Sá­ken Seıfýllın atyndaǵy Al­maty ob­lystyq ámbebap kitaphanasynyń ujymy uıym­dastyrdy. Halyqaralyq Abaı klýby men Rollan Seısenbaev «RS» Baspa úıi álem ádebıetiniń jańa kitaphana serııasyn ómirge ákelgeniniń qýa­narlyǵy sol, bul serııamen shyq­qan kitaptar Qazaqstan jastaryna arnalǵan. Erekshe aıtar jaıt, bul týyn­dylardyń ár­qaı­sysy belgili tul­ǵalar – Jú­sip Balasaǵun, ál-Farabı, Abaı Qunanbaev, Súıinbaı Aronuly men Jam­byl Jabaev syndy bel­gili tul­ǵalardyń shy­ǵarmalary men eńbekterin qamtyp, sony lep estiredi. «Qazaqtyń jas qalamger­leriniń arasynan suryptalyp, shoq­tyǵy bıik bolǵan «Ha­bar» agenttiginiń Almaty oblysyndaǵy menshikti tilshisi, jetisýlyq Ádilhan Saha­rıevtiń «Sındrom Kentavra» atty povesi «Meniń 100 kitabym» serııasy boıynsha aldyńǵy kezekte baspamyzdan basylǵanyn erekshe atap ótken durys. «Sındrom Ken­tavra» povesi Reseıdiń 2014 jyl­dy qorytyndylaǵan « Orys syı­lyǵy» atty uzyn paraqqa en­gizilgenin maqtan tutýǵa bolady. Bile-bilsek, bul Reseıden tys elderde turyp orys tilinde jazatyn avtorlarǵa beriletin jalǵyz ádebı syılyq bolyp sanalady. Sondaı-aq, Ádilhan Saharıevtiń bul povesi Reseıdiń «Novyı mır» atty áde­bı jýrnalynyń byl­tyrǵy jyl­ǵy shilde aıyndaǵy sanynda tolyǵymen jarııalanǵany taǵy bar», dedi «Abaı jáne HHI ǵasyr» halyqaralyq klýbynyń prezıdenti, tanymal jazýshy-bas­pager Rollan Seısenbaev. Nurbol ÁLDIBAEV, Egemen Qazaqstan». Taldyqorǵan.