ASTANA. 5 naýryz. Belgrad qalasynda tennısten Devıs Kýbogynyń 1/8 fınaly sheńberinde Serbııa men Qazaqstan arasynda kezdesý ótýde. Alǵashqy kúngi qorytyndy boıynsha esep – 1:1. Bul týraly egemen.kz tilshisi habarlady.
Birinshi matchta álemniń eń úzdik tennısshisi, serb Novak Djokovıch pen qazaqstandyq Aleksandr Nedovesov kortqa shyqty. Úsh setke jalǵasqan oıynda Djokovıch 6:1, 6:2, 6:3 esebimen basym túsip, komandasyn alǵa shyǵardy.
Alaıda, ekinshi oıynda otandasymyz Mıhaıl Kýkýshkın qarsylasy Vıktor Troıskıdi jeńip, tarazy basyn teńestirdi. Bul kezdesý de úsh setke jalǵasty. Tartysty oıyn nátıjesinde Kýkýshkın 7:5, 6:2, 6:4 esebimen jeńiske jetti.
Endi erteń qos komanda juptyq aıqasta kúsh synasady. Bul synda Serbııa tarapynan Novak Djokovıch pen Nenad Zımonıch shyqsa, Qazaqstan quramasynyń kapıtany Dııas Dosqaraev Andreı Golýbev pen Aleksandr Nedovesovke senim artyp otyr. Atalǵan oıyn 5 naýryz kúni saǵat 19:55-te bastalady. Matchty tikeleı efırde KazSport telearnasy kórsetedi.
Elaman Qońyr.
Derek: egemen.kz.
Sýret: daviscup.com.
