ASTANA. 5 naýryz. Búgin Belgrad qalasynda tennısten Devıs Kýbogynyń 1/8 fınaly sheńberinde Qazaqstan men Serbııa tennısshileri juptyq saıysta synǵa tústi. Bul týraly egemen.kz tilshisi habarlady.
Atalǵan matchta kort ıeleri sapynan álemniń nómiri birinshi raketkasy Novak Djokovıch pen Nenad Zımonıch shyqsa, Qazaqstan quramasynyń kapıtany Dıas Dosqaraev Andreı Golýbev pen Aleksandr Nedovesovke senim artty. Tartysty oıyn nátıjesinde bizdiń jigitter qarsylastaryn 6:3, 7:6, 7:5 esebimen jeńdi. Osylaısha, Qazaqstan eki kúnniń qorytyndysy boıynsha komandalyq esepte 2:1 esebimen alǵa shyqty.
Aıta keteıik, keshe bolǵan jekeleı saıysta aldymen, kortqa Djokovıch pen Nedovesov shyqqan edi. Ol oıynda serb tennısshisi jeńdi. Al ekinshi kezdesýde qazaqstandyq Mıhaıl Kýkýshkın Vıktor Troıskıden basym túsip, komandalyq esepte tarazy basyn teńestirdi.
Endi erteń qos qurama taǵy da jekeleı saıystarda sheberlik baıqasady.
Elaman Qońyr.
Derek: egemen.kz.
Sýret: daviscup.com.
