• 06 Naýryz, 2016

Endi fýtbol oıynynda tórt oıynshyǵa deıin almastyrýǵa bolady

324 ret

kórsetildi

2 mın

oqý úshin

Egemen Qazaqstan

ASTANA. 6 naýryz. Fýtbol qaýymdastyqtarynyń halyqaralyq keńesi (IFAB) atalǵan sport túrine qatysty birqatar jańa ereje qabyldady. Bul týraly euronews.com-ǵa silteme jasaǵan egemen.kz tilshisi habarlady. Atap aıtqanda, uıymnyń atqarýshy komıteti oıyn kezinde talas týdyrǵan jaǵdaıdy beıneqaıtalaýdan qarap, sheshim shyǵarýdy synaqtan ótkizýdi maquldady. Sondaı-aq, «úsh ese jazalaý» dep atalyp ketken, jaza túrin jeńildetý jáne qosymsha ýaqytta tórtinshi oıynshyny almastyrýǵa ruqsat berý máseleleri de óz sheshimin tapty. Jańa erejeler týraly FIFA prezıdenti Djannı Infantıno: «Biz fýtbol úshin tarıhı sheshimderdi qabyldadyq. Búginde FIFA men IFAB uzaq ýaqyttan beri sheshimin tappaı kele jatqan máselelerge baılanysty pikirtalastar júrgizýde. Osy rette biz birinshi kezekte jankúıerler men oıynshylardyń pikirlerine qulaq asatynymyzdy aıtqym keledi. Biz óte ózekti máseleni qolǵa aldyq. Tehnologııanyń kún sanap damyp, jańaryp jatqanyna kóz jumyp qaraýǵa bolmaıdy. Alaıda, bul atalǵan sheshimderdiń bári birden jumys istep ketedi degen sóz emes. Atalǵan erejeler ázirge synaq retinde qoldanylady. О́ıtkeni, fýtboldyń ózindik boıaýy men ereksheligin saqtaý kezinde asa saqtyqpen qımyldaýymyz kerek», – dedi. Beıneqaıtalaý synaǵy eki jyl kóleminde ártúrli chempıonattarda tájirıbeden ótkiziledi. Ol negizinen qaqpaǵa doptyń engendigi týraly, oıynshyny alańnan qýǵanda, penaltı belgilegen sátte jáne tóreshiniń fýtbolshyny anyqtaý barysynda jibergen qateligine baılanysty týǵan talas kezinde qoldanylady. Odan bólek, eń qatań ereje – «úsh ese jazalaý» da jeńildeıtin bolady. Endi burynǵydaı qatar qoldanylatyn penaltı, oıynshyny alańnan qýý jáne birneshe oıynnan shettetý (dıskvalıfıkasııa) jazasy, tek qyzyl qaǵaz ben on bir metrlikten turady. Al oıynshyny almastyrý máselesinde osyǵan deıingi negizgi ýaqytta úsh oıynshyǵa deıin aýystyrý múmkindigi saqtalyp qaldy. Tek qosymsha ýaqytta ǵana tórtinshi oıynshyny alańǵa shyǵarýǵa ruqsat beriledi. Elaman Qońyr. Derek: euronews.com. Sýret: sport-express.ru.