Tanym taǵylymy

Belgili dintanýshy, Buha­radaǵy Mırarab medre­sesi men Tashkent Islam ınstıtýtynyń túlegi, Oń­tústik Qazaqstan oblys­y Báıdibek aýdany orta­lyǵyndaǵy kezinde medrese bolǵan, qazir tarıhı murajaıǵa aınalǵan tarıhı keshendi saldyrǵan Appaq ıshannyń nemeresi Qurbanáli Ahmedtiń «Ta­rıqatnama» atty dinı-tanymdyq ki­taby jaqynda «Dostar Me­dıa» baspasynan jaryq kórdi. Kitap Prezıdentimiz N.Nazarbaevtyń «Qazaqstan aýmaǵynda ıslam – hana­fıttik» dep atalatyn di­nı-quqyqtyq mektep pen sopylyqty nasıhattaıtyn ıdeologııanyń negizinde qalyptasty degen sózin negizge ala otyra jazylǵan. Soǵan oraı, «Tarıqatnama» kitaby taıaýda Prezıdentimiz N.Nazarbaevqa usynylǵan bolatyn. Prezıdent Keńsesinen Elbasynyń kitapty oqyp shyqqandyǵy jáne avtorǵa dinimizge sińirgen eńbegi úshin alǵys aıtqandyǵy týraly jaýap keldi. «Tarıqatnama» kitaby tutastaı dástúrli dinimizdiń ishki ıirimderin ashýǵa negizdelgen. Sondyqtan, elimizdegi din mamandary men qalyń kópshilik dinı tanymyn osy kitapta aıtylǵan oılarmen tolyqtyra óristetse nur ústine nur bolatyny kúmánsiz. «Egemen-aqparat».