QOSTANAI. 16 naýryz. Qostanaıdaǵy Balalar shyǵarmashylyǵy úıinde «Máńgilik el—bolashaqtaǵy birińǵaı ulttyń rýhanı negizi» atty dóńgelek ústel basyndaǵy májilis Qazaqstan halqy assambleıasy atynan Parlament májilisiniń depýtattyǵyna kandıdattardyń, Qazaqstan halqy obylstyq assambleıasynyń músheleri, jergilikti etnomádenı ortalyqtar ókilderi, ǵylymı-saraptaý tobynyń músheleriniń qatysýymen ótti. Bul týraly egemen.kz tilshisi habarlady.
Saıası naýqanda saılaýaldy nasıhat jumysyn júrgizip júrgen Qazaqstan halqy assambleıasy atynan Parlament májilisiniń depýtattyǵyna kandıdat Ishki ister mınıstriniń orynbasary, orys, slavıan jáne kazak uıymdary qaýymdastyǵy tóraǵasynyń orynbasary, Qazaqstan halqy assambleıasynyń múshesi Vladımır Bojko, Qyzylorda qalalyq oqýshylar men jasóspirimder úıiniń dırektory, Qazaqstan halqy assambleıasynyń múshesi, oblystyq analar keńesiniń tóraıymy Natalıa Jumadildaeva, «Qazaqstan uıǵyrlary respýblıkalyq etnomádenı ortalyǵy» qoǵamdyq birlestiginiń tóraǵasy, assambleıa múshesi Shaımardan Nurymov eń aldymen elimizdiń tynyshtyǵyna, ony meken etip otytrǵan túrli ulttardyń tatýlyǵyna erekshe toqtaldy.
Bir otbasy, bir áýlet tutas memlekettiń kishkentaı kórinisi ispetti. Tatýlyqty tý etken halqymyz «Aǵaıyn tatý bolsa at kóp, abysyn tatý bolsa as kóp» dep túıgen ǵoı. Elbasy Nursultan Nazarbaevtyń «Máńgilik el» ıdeıasy halyqtar birligin, ulttar tatýlyǵyn tý etedi.
«Qazaqstan uıǵyrlary respýblıkalyq etnomádenı ortalyǵy» qoǵamdyq birlestiginiń tóraǵasy, Qazaqstan halqy assambleıasynyń múshesi Shaımardan Nurymov: «Uıǵyr men qazaq tarıhta eshqashan da birin birine qylysh kótermegen eken. Qazaq jerine túrli taǵdyrmen bas qosqan ulystardyń barlyǵy da búgin de Qazaqstanda turǵany úshin baqytty. Tynyshtyǵy joq elderdiiń qandaı jaǵdaıǵa jetkenin kórip otyrmyz. Tatý bolsaq bereke de, mereke de úzilmeıdi», – dedi.
Jıynǵa qatysqan qostanaılyqtar da Parlament májilisi depýtattyǵyna kandıdat Qazaqstan halqy assambleıasy músheleriniń pikirin qoldap, memlekettiń myqtylyǵy da, «Máńgilik el» ıdeıasynyń júzege asýy da tek halyqtyń judyryqtaı jumylǵan birligine baılanysty ekenin aıtty.
Názıra Járimbetova.
Derek,sýret: egemen.kz.
