«Atletıko» men «Manchester Sıtı» shırek fınalǵa shyqty (vıdeo)

ASTANA. 16 naýryz. О́tken túnde ÝEFA Chempıondar lıgasynyń shırek fınalyna shyqqan taǵy eki komanda anyqtaldy. Olar Ispanııanyń «Atletıko» (Madrıd) jáne Anglııanyń «Manchester Sıtı» komandalary. Bul týraly egemen.kz tilshisi habarlady. «Atletıko» (Madrıd, Ispanııa) – PSV (Eındhoven, Nıderlandy) 0:0 (0:0) Oıyn sońyndaǵy penaltı: 8:7. Týrnırdiń toptyq kezeńinde «Astanamen» bir sapta synǵa túsken «Atletıko» eki oıynda da PSV-nyń osal tusyn taba almady. 24 aqpanda Eındhovende ótken kezdesýde de esep ashylmaǵan bolatyn. Sol oıynnan keıin keıbir sarapshy mamandar ıspandardyń óz alańynda qıyndyqsyz jeńiske jetetinin aıtyp, boljam jasaǵan. Alaıda, gollandtar ózderiniń ońaı shaǵylar jańǵaq emestikterin dáleldep, sońǵy sekýndtarǵa deıin qarsylasyp baqty. Tek oıyn sońyndaǵy penaltıde ǵana sáttilik jetispeı, olar alań ıelerine jol berdi. «Manchester Sıtı» (Manchester, Anglııa) – «Dınamo» (Kıev, Ýkraına) 0:0 (3:1) Bul oıynda da esep ashylǵan joq. Degenmen, Kıevte ótken birinshi kezdesýde qajet nátıjege qol jetkizgen aǵylshyndar jalpy esepte basym túsip, jarysty jalǵastyrý múmkindigin ıemdendi. Osylaısha, «Manchester Sıtı» tarıhynda birinshi ret Chempıondar lıgasynyń shırek fınalyna shyqty. Eskere ketetin jaıt, «Dınamo» oıynshylary syrt alańda oınaǵandaryna qaramastan, keıbir statıstıkalyq kórsetkishter boıynsha qarsylastarynan basym tústi. Mysaly, dopqa ıelik etý kórsetkishi jóninen ýkraınder alda boldy (54% – 46%). Sondaı-aq, qaqpaǵa jasalǵan týra soqqylar sany boıynsha da «Dınamonyń» paıdasyna 6 – 5 nátıjesi tirkeldi. Aıta keteıik, búgin túnde Chempıondar lıgasynyń 1/8 fınaly sheńberinde sońǵy eki oıyn oınalady. Atap aıtqanda, Ispanııanyń «Barselonasy» óz alańynda Anglııanyń «Arsenalyn» qabyldasa, Italııanyń «Iýventýsy» syrt alańda Germanııanyń «Bavarııasymen» kezdesedi. Elaman Qońyr. Derek: egemen.kz. Sýret: eurosport.ru.