Ońtústikte oblystyq ardagerler uıymynyń jıyny ótti

ShYMKENT. 17 naýryz. Shymkentte Lermontov atyndaǵy orys drama teatrynyń ǵımaratynda oblystyq ardagerler uıymynyń VII konferensııasy ótti. Bul týraly egemen.kz tilshisi habarlady. Onda oblystyq ardagerler keńesiniń tóraǵasy Jeńisbek Máýlenqulov baıandama jasap, atqarylǵan jumystarǵa taldaý jasady. Konferensııaǵa arnaıy qatysqan oblys basshysy Beıbit Atamqulov qarııalardyń qoǵamdaǵy belsendiligine joǵary baǵa berdi. «Sizder – salt-dástúrimizdiń saqtalýyna áser etip, jas urpaqqa durys tárbıe berýdiń ozyq úlgisin kórsetetin adamdarsyzdar. Oblysymyz qazynaly qarttar men ardaqty analarǵa óte baı. Sondyqtan da, Ońtústik Ulysymyzdyń uıytqysy bolyp otyr», dedi oblys ákimi. Jıyn sońynda oblys ákimi birqatar ardagerlerdi qoǵamdaǵy belsendi qyzmeti úshin marapattap, olarǵa uzaq ómir, zor densaýlyq tiledi. Sóz reti kelgende aıta keteıik, oblysta jalpy 214 599 zeınetker ómir súrip jatsa, olardyń 352-si Uly Otan soǵysynyń ardageri, 209 myńnan astamy tyl eńbekkeri. Baqtııar Taıjan. Derek, sýret: egemen.kz