«Bolashaq» stıpendııasy

Ony taǵaıyndaýǵa qujattar qabyldaý bastalady Keshe Bilim jáne ǵylym mınıs­trliginiń «Halyqaralyq baǵ­­dar­lamalar ortalyǵy» AQ prezıdenti Ǵanı Nyǵmetov Orta­lyq kommýnıkasııalar qyzmetiniń baspasóz zalynda jýrnalıster­men kezdesip, «Bolashaq» baǵdar­lamasymen oqýǵa túsý úshin irik­teýdiń jańa qaǵıdalary men sanattarǵa qoıy­latyn talaptar týraly baıandady. Ǵanı Nyǵmetov atap ótkendeı, 2016 jylǵy 11 sáýirde «Bolashaq» halyqaralyq stıpendııasyn taǵa­ıyn­daýǵa qujattar qabyldaý bas­talady. Qujat qabyldaý úsh kezeń boıynsha júrgiziledi. Birinshi kezeń – 11 sáýir men 13 mamyr ara­lyǵy, ekinshi kezeń – 13 maýsymnan 29 shildege deıin, al úshinshi kezeń – 15 tamyz ben 30 qyrkúıek aralyǵyn qamtıdy. Úmitkerler qujattardy elektrondy úkimet veb-portaly, «Aza­mattar úshin úkimet» memleket­tik korporasııasy arqyly (burynǵy HQO), nemese óz qolymen «Halyq­aralyq baǵdarlamalar ortalyǵy» AQ-qa tapsyrýǵa bolady. О́tken jylǵy konkýrstyq irikteý táji­rıbesi boıynsha bıyldan bas­tap qujattar tapsyrý talaptary jeńil­detilgeni de tilge tıek etildi. Baǵdarlamany damytýdyń 2016–2020 jyldarǵa arnalǵan josparyna sáıkes stıpen­dııa «Magıstratýra», «Doktoran­týra», «Rezıdentýra» jáne «Ta­ǵy­­lymdamalar» boıynsha taǵa­ıyn­dalyp, olarǵa sanatyna qaraı jekelegen talaptar qoıylady. Sondaı-aq, Ǵanı Nyǵmetov konkýrstyq irikteýdi keńinen nasıhattaý jáne úmitkerlerdi kóptep tartý maqsatynda aqparattyq tú­sindirý jumystary júzege asyp jatqanyn da atap ótti. Sonyń aıa­synda óńirlerde, ónerkásiptik kásip­oryndar men uıymdarda, eń­bek ujymdary arasynda kezdesýler men brıfıngter ótkizýde, dedi ol. Raýan QAIDAR, «Egemen Qazaqstan».