Úlken senimniń belgisi

Men Reseıdiń Makýshıno aýdanynda turamyn. Biraz ýaqyt keńshar, sharýa qoja­lyǵyn basqardym. Zeınetke shyqsam da, qoǵamdyq jumystarǵa belsene qatysamyn. Birqatar týystarym Qyzyljar óńirinde turatyndyqtan, jıi aralasyp turamyz. Qazaqstanda ótetin Parlament Májilisi men túrli deńgeıdegi máslıhattar depýtattaryn saılaýǵa qatysý týraly ótinish túskende birden kelistim. «Myń estigennen bir kórgen artyq» demekshi, jaqsy ónegelerden taǵy­lym alyp, tájirıbede qoldanǵannyń esh artyqshylyǵy joq. Qorǵan oblysynan TMD mıssııasynyń atynan 12 baıqaýshy kelip, saıası naýqanǵa bastan-aıaq qatysý múmkindigine ıe bol­dyq. Qyzyljar aýdanynyń saılaý ýchas­ke­lerin aralap, daıyndyq jumystyń nátı­jelerimen tanystyq. Azamattardyń erkin qalaýyn bildirýge barlyq jaǵdaıdyń jasal­ǵanyn, daýys berý úderisiniń bıik deńgeıde ótkerilgenin, «QR Saılaý týraly» Zań talaptary múltiksiz saqtalǵanyn kózben kórdik. Eldi mekenderdiń qashyqtyǵyna qaramastan, qatynaýda esh irkilisti baıqamadyq. Merekelik kóńil-kúıdegi qazaqstandyqtardyń shat júzin kórip, áleýmettik-turmys jaǵdaılary qalypty eken degen oı túıdik. Aýyldyqtardyń qoly­nan Naýryz kójeniń dámin tatyp, emen-jarqyn áńgimemiz jarastyq tapty. Qarııa­larǵa deıin «tóskeıde maly, tósekte basy qosylǵan» eki eldiń dostyǵyn tilep, Táýel­sizdiktiń araıly tańyna aman-esen jetken­derine shúkirshilik etedi. Túrli qoǵamdyq uıymdar men birles­tikterdiń júrgizgen saýalnama­lary­men, al­dyn ala jarııalaǵan qory­tyndy­lary­men tanysa otyryp, el arasynda «Nur Otan» partııasynyń bedel-abyroıy zor ekenin atap kórsetkim keledi. Munyń ózi halyqty ortaq maqsatqa jumyldyryp, baǵdar­lamalar men tuǵyrnamalardyń oıdaǵydaı oryndalyp jatqanyn baıqatsa kerek. Saılaý qorytyndysy boıynsha 82 paıyz daýys jınaýy – úlken senimniń belgisi.  Boranbaı BIJIGITOV, halyqaralyq baıqaýshy (Reseı). Soltústik Qazaqstan oblysy. Sýretti túsirgen Talǵat TÁNIBAEV.