Demokratııa normalaryna saı

Qazaqstan Respýblıkasy Parlamenti Májilisiniń depýtattaryn saılaý demokratııa normalaryna saı ótti. Bul týraly Shanhaı yntymaqtastyq uıymynyń baıqaýshylar mıssııasynyń basshysy Azız Nosırov Ortalyq saılaý komıssııasyndaǵy brıfıng barysynda málimdedi. – «2016 jylǵy 17-20 naýryz ara­lyǵynda ShYU baıqaýshylar toby Qa­zaqstan Respýblıkasy Parlamenti Má­jilisi depýtattaryn saılaýǵa daıyn­dyq pen ony ótkizý barysyna mo­nıtorıng jasady. Sonymen qatar, uıym músheleri saılaý kúni Asta­na, Kókshetaý, Qaraǵandy, Ekibastuz, Temirtaý qalalaryndaǵy jáne Aqmola, Qaraǵandy, Pavlodar oblys­tarynda ornalasqan 65 saılaý ýchas­kesine barǵan bolatyn. Atalǵan meken­derdegi turǵyndar belsendi atsalysyp, memlekettik mańyzy bar sharaǵa beıjaı qaramaıtyndyqtaryn tanytty», – dedi baıqaýshy. Onyń aıtýynsha, baıqaýshylar quramynda ShYU-ǵa múshe memleketterdiń, naqtyraq aıtsaq, Qytaı, Qyrǵyzstan, Reseı, Tájikstan, О́zbekstannan kelgen ókilderi de bolǵan. «Saılaýǵa daıyndyq kúnderi, daýys berý kúni men daýystardy sanaý prosesin baqylaǵan mıssııa ókilderi saılaýdyń ashyq ótkenin, saılaý týraly aqparattyń jan-jaqty taratylǵanyn atap ótti. Saıası partııalarǵa, depýtattyqtan úmitkerlerge teń múmkindik berildi. Bul – saılaýdyń demokratııa normalaryna saı ótkendiginiń dáleli. Sonymen birge, mıssııa ókilderi bolǵan barlyq saılaý ýchaskelerinde bul úderiske Qazaqstannyń saıası partııalarynyń, basqa da qoǵamdyq birlestikterdiń ókilderimen qatar, halyqaralyq uıymdar men BAQ ókilderi de atsalysty. Saılaý prosesi barysynda mıssııa ókilderine esh shaǵym túsken joq», – dedi ol. Raýan QAIDAR, «Egemen Qazaqstan».