Aldyn ala qorytyndylaryn jarııa etti

Keshe Ortalyq saılaý komıssııasy partııalyq tizimder boıynsha saılanatyn Qazaqstan Respýblıkasy Par­la­menti Májilisiniń depýtattaryn saılaýdyń aldyn ala qorytyn­dy­laryn jarııalady. Ortalyq saılaý komıs­sııa­synyń tóraǵasy Qýandyq Tur­ǵanqulov atap ótkendeı, ob­lys­tyq, Astana jáne Almaty qala­larynyń saılaý komıssııalary­nan kelip túsken aldyn ala derekterge sáıkes, 2016 jylǵy 20 naý­ryzda bolǵan partııalyq tizim­der boıynsha saılanatyn Qazaq­stan Respýblıkasy Parlamenti Májilisiniń depýtattaryn saılaýda saılaýshylar daýysy tó­mendegideı bólindi: «Nur Otan» partııasyna – 82,15%, Qazaqstan Kommýnıstik halyq partııasyna – 7,14%, Qazaqstannyń «Aq jol» de­mo­kratııalyq partııasyna – 7,18%,  «Birlik» saıası partııasyna – 0,29%, Jalpyulttyq sosıal-de­mo­kratııalyq partııasyna – 1,18%, «Aýyl» halyqtyq-demokratııa­lyq patrıottyq partııasyna – 2%. «Osylaısha, «Nur Otan» partııasy alda. Odan keıin Qazaq­stannyń «Aq jol» demokratııalyq partııasy men Qazaqstan Kom­mýnıstik halyq partııasy tur. Bul partııalar zańda belgilengen 7%-dyq kedergiden ótedi, bul olar­ǵa Parlament Májilisinde bo­lýyna múmkindik beredi», – dedi Ortsaılaýkom basshysy Q.Tur­ǵanqulov brıfıngte. Partııalyq tizimder bo­ıyn­­sha saılanatyn Parla­ment Má­jilisiniń depýtattaryn saılaý­dyń sońǵy qorytyn­dy­laryn Ortalyq saılaý komıssııa­sy aýmaqtyq saılaý komıssııalary hattamalarynyń negizinde 2016 jylǵy 26 naýryzdan keshiktirmeı belgileýi tıis. Álısultan QULANBAI, «Egemen Qazaqstan».