Apple kompanııasy jańa iPhone SE smartfonyn shyǵardy

ASTANA. 22 naýryz. Belgili Apple kompanııasy 4 dıýımdi jańa iPhone SE smartfonyn tanystyrdy. Bul týraly TASS aqparat agenttigine silteme jasaǵan egemen.kz tilshisi habarlady. Jańa qurylǵynyń bir ereksheligi syrtqy kelbeti 5S formasyna uqsaǵanymen, fýnksııalyq jaǵynan 6S úlgisimen birdeı qyzmet atqarady. Tipti, kópshiliktiń jıi qoldanatyn Live Photos ta bar. Negizgi kamerasy 12 megapıksel bolǵandyqtan 4K vıdeo túsire alady. Prosessory A9 bolsa, qosymsha prosessory M9. Kompanııa basshysy Tım Kýktyń aıtýynsha, halyqtyń shaǵyn telefonǵa degen suranysy joǵary bolǵandyqtan, jańa qurylǵynyń túr-kelbeti burynǵy aıfonǵa uqsastyrylyp shyǵarylǵan. Sondaı-aq, ol jıyn barysynda iPhone 5S telefony endigi satylymǵa shyqpaıtynyn málimdedi. Gadjettiń 14 gıgabaıt syıymdylyǵynyń quny 399 AQSh dollar bolsa, 64 gıgabaıttysy 499 dollardy quraıdy. Devaısty 31 naýryzdan satyp alýǵa bolady. Al elimizge qashan keleri ázirge belgisiz. Aldyn ala boljam boıynsha osy aıdyń sońyna taman nemese kelesi aıdyń basynda shyǵýy múmkin. Aıan Ábdýálı. Derek: TASS. Sýret: vk.com.