Olımpıada chempıony Naýryz merekesimen quttyqtady

ALMATY. 23 naýryz. Búgin Almatyda Olımpıada chempıony Áljan Jarmuhamedov «Astana» alańynda 28-shi búkilálemdik Qysqy Ýnıversıada oıyndaryn uıymdastyrý komıtetiniń merekege arnaıy tikken kıiz úıde qonaq bolyp, qazaqstandyqtardy merekemen quttyqtady. Bul týraly egemen.kz tilshisi habarlady. «Ýnıversıada – stýdentter sportyndaǵy eń úlken doda. Barlyq memleketterden sportshylar jınalyp, joǵary deńgeıde medaldarǵa talasýy – jarystyń eń úlken qyzyǵy. Almatydaǵy Ýnıversıada – barshamyz úshin úlken mereke. Ýnıversıada oıyndary sporttyq mansaptyń ary qaraı damýyna úlken serpilis beretin múmkindik. Osy dodaǵa qatysatyn barlyq sportshylarǵa sáttilik, jeńis ári jaqsy nátıje kórsetýin tileımin», – dedi Ýnıversıada chempıony Áljan Jarmuhamedov. Áljan Jarmuhamedov – keńes kezeńiniń sportshysy, basketbolshy, onyń qorjynynda halyqaralyq jarystardyń júldeleri bar. Eleýli jetistikteri – 1970 jylǵy Italııadaǵy Ýnıversıada altyny men 1972 jyly Mıýnhen Olımpıadasy. Áljan Jarmuhamedov Ýnıversıada oıyndarynda jeńiske jetken tuńǵysh qazaq sportshysy. Qazirgi ýaqytta ol Máskeý qalasynyń turǵyny. Naýryz merekesinde alańda 2017 jyly Almatyda ótetin 28-shi qysqy Ýnıversıadanyń merekelik kıiz úıi turǵyzyldy jáne aldaǵy doda jaıly basty aqparattar jáne káde-syılar da qoıyldy. Aınash Esalı. Derek, sýret: egemen.kz.