Naqty isterdiń partııasy bolyp qalý kerek

Memleket basshysy Nursultan Nazarbaev VI shaqyrylymdaǵy Parlament Májilisine «Nur Otan» partııasynan saılanǵan depýtattarmen kezdesti, dep habarlady Prezıdenttiń baspasóz qyzmeti. Kezdesý barysynda Elbasy depýtattardy saılanýlarymen quttyqtap, jumystarynyń tabysty bolýyna tilektestigin bildirdi. Nursultan Nazarbaev qazaqstandyqtar «Nur Otan» partııasyna Májilis qana emes, barlyq deńgeıdegi máslıhattar saılaýynda da qoldaý kórsetkenin atap ótti. Qazaqstan Prezıdenti saılaýaldy tuǵyrnamadaǵy maqsattarǵa jetý úshin partııanyń árbir múshesine zor jaýapkershilik júkteletinin aıtty. – Biz «Nur Otannyń» árqashan da naqty ister partııasy ekenin dáleldeı alatynymyzǵa senimdimin. Sondyqtan, Parlament, Úkimet jáne Ulttyq jańǵyrtý jónindegi komıssııa naqty ári úılesimdi jumys isteýi qajet. Biz qoıylǵan mindetterdi tutastyq pen ózara túsinistik arqyly ǵana sheshetin bolamyz. Bizdiń barlyq reformalarymyzdyń tabystylyǵy osyǵan baılanysty. Daǵdarys kezeńi – tyń ózgerister jasaıtyn kez. Biz eshteńege qaramastan, osyny qolǵa aldyq. Sondyqtan, sizderge birinshi kúnnen-aq bul jumysqa kirisý kerek bolady, – dedi Qazaqstan Prezıdenti. Kezdesý barysynda «Nur Otan» par­tııa­synyń Parlamenttegi fraksııasynyń múshe­leri G.Shegelskıı, M.Aısına jáne  B.Máken sóz sóıledi. Sýretterdi túsirgender S.BONDARENKO, B.OTARBAEV.