Yntymaqtastyq dostyqqa ulasty

Keshe Ishki ister mınıstri Qal­muhan­bet Qasymov Reseı Federasııasynyń Azamattyq qorǵanys, tótenshe jaǵ­daı­lar jáne apatty oqıǵalardyń saldarlaryn joıý isteri jónindegi mınıstri Vladımır Pýchkovpen kezdesti. Kezdesý barysynda vedomstvo basshylary yntymaqtastyqty jandandyrý týraly hattamaǵa qol qoıdy. Hattama halyqty tótenshe jaǵdaılardan qorǵaý salasynda Qazaqstan-Reseı arasyndaǵy ózara is-qımyl jasasý deńgeıin arttyrýdy kózdeıdi. Naqty aıtqanda, onda eki eldiń tıisti vedomstvo­lary­nyń apatty oqıǵalardy boljaý, aldyn alý jáne saldaryn joıý máseleleri boıynsha yn­ty­maq­tastyqty odan ári jandandyrý kózdelgen. Sonymen qatar, hattamada halyqty jáne aýmaqty tabıǵı apattardan, tehnogendik apattardan qorǵaý salasynda tájirıbe almasý, sondaı-aq, tótenshe jaǵdaılardyń aldyn alý máselelerinde keshendi sharalardy pysyqtaý maqsatynda turaqty túrde kezdesýler men keńeıtilgen keńester ótkizý sharalary qamtylǵan. Osyǵan baılanysty endi transshekaralyq sıpattaǵy tótenshe jaǵdaılardyń aldyn alý maqsatynda shekaralyq deńgeıde ózara is-qımyl jasasýǵa erekshe nazar aýdarylmaq. Kezdesý dostyq jaǵdaıda ótti jáne tótenshe jaǵdaılardyń aldyn alý jáne saldarlaryn joıý boıynsha jan-jaqty ózara is-qımyl jasasýdy arttyrýǵa eki taraptyń da múd­deli ekenin kórsetti, dep habarlady Qa­zaq­stan Respýblıkasy IIM baspasóz qyzmeti.