Naýryz nysandary

О́skemende Naýryz kúni qar­sańynda eki bilim berý mekemesi esigin aıqara ashty. Ulystyń uly kúninde oblys ortalyǵynda №46 mektep pen «Azamat» bala­baqshasynyń tusaýy kesildi. Sal­tanatty sharaǵa qalalyq aqsa­qaldar keńesi men jergilikti basqarmalar jáne ata-analar qatys­ty. О́skemenniń ekologııalyq taza aýdanynan boı kótergen kórik­ti jańa mekteptiń ashylý rásimin­de merekelik dastarqan jaıy­lyp, meımandar Naýryz kóje­den dám tatty. О́skemen qalasynyń ákimi Te­mirbek Qasymjanovtyń aıtýynsha, jańa mektep shahardaǵy zamanaýı qural-jabdyqtarmen tolyq ja­raqtandyrylǵan aldyńǵy qatar­ly bilim ordalarynyń sanatynda. – Bul mektepte bilim alatyn oqý­shylarymyz ǵylym men óner sa­lasynda úzdik nátıjeler kórse­tedi jáne keleshekte elimizdi alǵa jeteleıtin azamattar bolady dep senemin, – dedi qala ákimi. Sondaı-aq, shahar basshysy jańa shaǵyn aýdanda ınfra­qu­rylymdy damytý, áleýmettik nysandar salý baǵytynda aýqymdy qurylys jumystary júrgizilip jatqanyn atap ótti. Aldaǵy ýaqytta mektep aýlasynda sport alańy men tennıs kortyn ashý jos­parlanyp otyr. Jibek matalar kombınaty shaǵyn aýdanynyń janynan salynyp jatqan №19 aýdan jyl ótken saıyn túrlenip, ósip keledi. Jańa aýdannyń turǵyndar qatary artqan saıyn áleýmettik nysandardyń da qajettiligi týyndap otyr. – Mektebimiz 1000 orynǵa esep­telip salynǵan. Qazir 936 oqý­shymyz bar. Mektep bir aýysym boıynsha jumys isteıdi. Jańa ınno­vasııalyq tehnologııalar engizilgen, oqýshylar úsh tuǵyrly til baǵdarlamasy boıynsha oqyty­lýda, – dedi mektep dırektory Gúl­farıda Aýǵanbaeva. Atalǵan bilim ordasynda bir­qa­tar úıirmeler qurylyp, tańdaýly pánder boıynsha tereńdetip oqytý jolǵa qoıylǵan. Naýryzda tusaýy kesilgen kelesi nysan – memlekettik-jeke árip­testik baǵdarlamasy aıasynda sa­lynǵan «Azamat» bala­baqsha-bóbekjaıy. 120 orynǵa laıyq­talǵan balabaqsha korpýsy zaman­ǵa saı jabdyqtalǵan. Qazirgi kezde oblys ortalyǵynda 1-den 3 jasqa deıingi búldirshinderdi mektepke deıingi mekememen qamtý deńgeıi 93,4 paıyzdy qurasa, 3-ten 6 jasqa deıingi balalardy balabaqshamen qamtý 99,2 paıyzǵa jetip otyr. Dýman ANASh, «Egemen Qazaqstan». О́SKEMEN.