Qurmetti Nursultan Ábishuly!
Búkilreseılik «Edınaıa Rossııa» saıası partııasynyń jáne jeke ózimniń atymnan Sizdi, «Nur Otan» partııasynyń basshylyǵy men barlyq múshelerin VI shaqyrylǵan Qazaqstan Respýblıkasy Parlamenti Májilisiniń saılaýyndaǵy jeńisimen quttyqtaımyn.
Saılaýshylardyń «Nur Otan» úmitkerlerine bergen senimdi basym daýysy Sizdiń basshylyǵyńyzben partııa júzege asyryp kele jatqan strategııalyq baǵyt pen keń aýqymdy áleýmettik-ekonomıkalyq jańǵyrtýlar baǵdarlamasyna degen búkilhalyqtyq qoldaýdyń aıǵaǵy bolyp tabylady.
Qazaqstan azamattary Sizdiń Reseı Federasııasymen keń aýqymdy áriptestikti nyǵaıtý, Eýrazııalyq ekonomıkalyq odaqtaǵy ıntegrasııalyq úderisterdi tereńdetý baǵyttarynda júrgizip kele jatqan jumystaryńyzǵa senetindikterin qýattap berdi.
«Edınaıa Rossııa» men «Nur Otan» partııalarynyń 2015 jyldyń maýsym aıynda О́zara is-qımyl jáne yntymaqtastyq týraly hattamaǵa qol qoıyp, bekitilgen ejelgi jáne berik baılanystar elderimiz arasyndaǵy jemisti yntymaqtastyqtyń ári qaraı da dáıektilikpen damı berýine yqpal etetinin erekshe atap ótkim keledi.
Qurmetti Nursultan Ábishuly, Siz ben «Nur Otan» partııasyna baýyrlas Qazaqstan azamattarynyń ıgiligi jolyndaǵy qyzmetterińizde jańa tabystar tileımin.
Shynaıy qurmetpen,
D.MEDVEDEV,
«Edınaıa Rossııa» partııasynyń tóraǵasy.
Qazaqstan Respýblıkasy
«Nur Otan» partııasynyń
Saıası keńesine
QUTTYQTAÝ
Qytaı Kommýnıstik partııasynyń atynan «Nur Otan» partııasyn VI shaqyrylǵan Qazaqstan Respýblıkasy Parlamenti Májilisiniń saılaýyndaǵy jeńisimen quttyqtaımyz.
Biz «Nur Otan» partııasynyń Prezıdent Nursultan Nazarbaevtyń basshylyǵymen Qazaqstannyń áleýmettik-ekonomıkalyq damýy men halyqtyń ál-aýqatyn arttyrýǵa yqpal etý jolynda talmaı kúsh-jiger jumsap, eldiń saıası, ekonomıkalyq jáne áleýmettik damýynda mańyzdy ról atqaratyn negizgi kúshke aınalǵanyn qýanyshpen atap ótemiz. Biz jańa ahýaldyq jaǵdaıda «Nur Otan» partııasy óziniń mıssııasyn tolyqtaı aqtap, Qazaqstannyń áleýmettik-ekonomıkalyq damýyndaǵy barlyq strategııalyq maqsattardy tabysty oryndaıtynyna nyq senimdimiz.
Qazirgi tańda Qytaı men Qazaqstan arasyndaǵy keń aýqymdy strategııalyq qarym-qatynastar serpindi damý ústinde jáne eki eldiń saıası senimi men barlyq baǵyttaǵy yntymaqtastyǵy dáıektilikpen nyǵaıyp keledi. Qytaı Kompartııasy men «Nur Otan» partııasy arasyndaǵy tyǵyz baılanystar men dostyq qarym-qatynas óristeı túsýde. Biz «Nur Otan» partııasymen dostyq baılanystarymyzdaǵy ózara is-qımylymyzdy oń baǵalaımyz jáne onymen birlese otyryp, ekijaqty qarym-qatynasty damytýǵa óz úlesimizdi qosýǵa daıynbyz.
Qazaqstan Respýblıkasyna zor áleýet, baılyq jáne ósip-órkendeý, al onyń halqyna baqyt pen ıgilik tileımiz!
Qytaı Kompartııasy men «Nur Otan» partııasy arasyndaǵy dostyq pen yntymaqtastyq turaqty túrde ósip, nyǵaıa bersin!
Qytaı Kommýnıstik partııasynyń
Ortalyq komıteti
Beıjiń, 2016 jylǵy 21 naýryz
