Qytaı eli qymyzǵa qyzyǵady

Jaqynda qytaılyq kásip­kerlerdiń qazaqtyń ulttyq ta­ǵamdary qymyz ben qurtqa mol kólemde tapsyrys berip, satyp alatyndary týraly málimet shyqty. Olar osy eki ulttyq taǵamy­myzdy zertha­nalyq saraptamadan ótkizip, joǵary sapaly ónim túrine jatqyzǵannan keıin qymyz ben qurtty satyp alatyndary týraly aıtty. Osyǵan baılanysty Qytaı eline ulttyq taǵamdarymyzdy satýdy Pavlodardyń «Saǵyp» sharýa qojalyǵy qolǵa aldy. Bul qojalyq buǵan deıin qymyz óndirisimen tanymal bolǵany belgili. Qazirgi kezde onyń qy­myzy Astanadaǵy 8 úlken sý­permarkette, odan qaldy Más­keýdegi qazaq ónimderi saýdalanatyn dúkende satylady. Qazaqtyń ejelden kele jat­qan qazynasy sanalatyn qymyz ben qurtqa Qytaı kásip­kerleriniń qyzyǵyp, mol kólemde tapsyrys berip otyrǵany tegin emes. О́ıtkeni, qazaqtyń qymyzy eshbir qospasyz, tabıǵı túrde daıyn­dalady. Ol kóptegen aýrý, syr­qattarǵa em. Bıe súti eń al­dy­men qurt aýrýyna jaqsy em bola alady. Qazirgi tańda qy­­myzdyń kóptegen aýrýlardy, atap aıtqanda, ókpe aýrý­la­ryn emdeýde, qan aınalý jú­ıesindegi qan tamyrlarynyń jum­saqtyǵy men beriktigin qam­tamasyz etetini, qandaǵy qyzyl qan túıirshikterimen (erıtrosıt) gemoglobın sıntezine áser etetini, aǵzada júretin zat almasý prosesterin jaqsartyp, jalpy ımmýnıtetti kúsheıtetini anyqtalǵan. Sol sııaqty qurttyń da kóptegen paıdaly jaqtaryn aıtýǵa bolady. «Saǵyp» sharýa qojalyǵynyń basshysy Tó­leý Qushmanova qytaılyq kásip­kerlerdiń qymyzǵa ǵana emes, qurt­qa da qyzyǵyp jatqanyn eskerip, endi jylqymen qatar saýyn sıyrlar alyp, qurt-irimshik óndirisine kirisýdi qolǵa alamyz dep otyr. Onyń aıtýynsha, qurt jasaý asa qıyndyq týǵyzbaıdy. Sebebi, ol kádimgi ájelerimizden jetken kóne ádispen qarapaıym túrde daıyndalady. – Qazir biz qurttyń shaıǵa ar­nalǵan tátti túri men sorpaǵa qosylatyn ashy túrin daıyndap jatyrmyz. Bul qurttardy jasaý úshin biz eshqandaı jańalyq ashqan joqpyz. Ol yqylym zamannan búginge deıin taram-taram urpaq arqyly kele jatqan ájelerimizdiń tehnologııasy bo­ıyn­sha jasalady. Biz Qytaıǵa 220 lıtr qymyz ben 60 kılo qurt satqanbyz. Qytaılyqtar sonyń dámin kórgennen keıin ulttyq taǵamdarymyzǵa qyzyǵýshylyq tanytyp otyr», – deıdi T.Qush­manova. Dastan KENJALIN, «Egemen Qazaqstan».