Kaspııdegi navıgasııa jańǵyrtylǵan júıege almastyrylady

Qazaqstannyń Qarýly Kúsh­terinde Áskerı-teńiz kúsh­terine arnalǵan spýtnıktik navıgasııa júıesi bar qural-jab­dyqtardy shyǵarý bastaldy. Mundaı júıe elimizde alǵash ret qoldanylýda. Qazirgi ýaqytta «Qazaqstan ınjınırıng» UK» AQ-tyń enshiles kásiporny – «Gıdroprıbor» ǴZI» AQ spýtnıktik navıgasııa júıesi bar qural-jabdyqtardy jobalady jáne shyǵara bastady. Ol eskirgen jáne tozyǵy jetken jab­dyqtardy josparly túrde aýystyrýdy kózdeıdi. Sondaı-aq, maıak­ty jabdyqtar men jaǵalyq jaryqtandyrǵysh belgilerdi jobalaý men shyǵarý da josparlanýda. Kaspıı teńiziniń qazaqstandyq sektorynda keme qatynasynyń qarqyndy ósýine baılanysty atalǵan qural-jabdyqqa degen qajettilik teńizde júzý qaýip­sizdigin arttyrýda da ózekti bo­­lyp otyr. О́ıtkeni, ekıpaj­dar men jolaýshylardyń aman­dyǵy men júkterdiń jáne ózge de materıaldyq nysandardyń qaýipsizdigi zamanaýı qural-jab­dyqtar ornatylýyna tikeleı baılanysty. Al kemelerdegi apatty jaǵdaılardyń oryn alýynyń bir­den-bir sebebi olardyń aılaqqa nemese aılaqtyń sý aıdynyna kirýi kezindegi navıgasııalyq olqylyqtar bolyp tabylady. Teńizde júzý qaýipsizdigi prob­lemalary quramdasynyń biri teńiz arnalaryn, farvaterlerdi, usynylǵan baǵyttardy arnaıy qu­rylǵylar men belgilerdiń, ıaǵ­nı býı, meje, jarqyraǵysh bel­gilerdiń kómegimen kúndizgi jáne túngi ýaqyttarda teńizge jeke navıgasııalyq qaýip­terdi belgileý sanalady.  «Egemen-aqparat».