QARAǴANDY. 28 naýryz. Qaraǵandyda Olımpıada chempıony, Vel Barker kýbogynyń ıegeri Serik Sápıev polısııa qyzmetkerlerin jattyqtyrdy. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Serik Sápıev Qaraǵandy qalalyq ishki ister basqarmasy jol-patrýldik polısııasy polkiniń jeke quramymen kezdesip, sheberlik sabaǵyn ótkizdi. Chempıon bir saǵatta tártip saqshylaryna boks jattyǵýlaryn kórsetti.
«Bul – men úshin úlken qurmet. Qoǵamdyq tártipti saqtaý isine az da bolsa úlesimdi qosqanyma qýanyshtymyn. Tártip saqshylary kásibı turǵyda óz isiniń úzdigi bolý úshin bilgenimdi úıretýge tyrystym», – dedi Serik Sápıev.
Qaraǵandy qalalyq ishki ister basqarmasy jol-patrýldik polkiniń komandıri Symbat Tórebekov Olımpıada chempıonyna sheberlik synybyn ótkizgeni úshin alǵys aıtty.
Qaırat Ábildınov.
Derek, foto: Qaraǵandy oblysy ishki ister departamentiniń baspasóz qyzmeti.
