QOSTANAI. 28 naýryz. Qostanaıda polıseıler arasynda qazaq tilinen jarys ótti. Jarys taqyryby Narýryzǵa arnaldy. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Qostanaı qalasyndaǵy til úıretý ortalyǵynda jergilikti polıseı qyzmetkerleri úshin qazaq tilinen Naýryzǵa analǵan ashyq sabaq ótti. Onda polıseılerdiń tek til bilý ǵana emes, qazaq halqynyń salt-dástúrin kórsetýde olardyń akterlik qabiletteri de synǵa tústi. Jarysqa qatysýshylar «Aı» jáne «Kún» degen eki komandaǵa bólindi. Oqytýshy Svetlana Bekbosynovanyń aıtýynsha, sabaq baǵdarlamasy polıseılerdiń kásibine arnalyp jasaldy. Mysaly, alǵashqy tapsyrmada aýa raıynyń qolaısyzdyǵyna baılanysty repsýblıkalyq dańǵyldar jabylady degen habarlamany qazaq tilinde júzege asyrý, qajetti oryndarǵa jetkizý tapsyryldy. Ony serjant Samat Dosbolov birinshi bolyp oryndady.
Polısııa serjanty Samat Dosbolov: «Men til úıretý ortalyǵynda ekinshi jyl qazaq tilin úırenip júrmin. Munda tek aýyzeki til ǵana emes, ádebı tildi de meńgerýge tyrysamyz. Men óz qyzmetimde qazaq tiliniń qajettiligin sezinip júrmin», – dedi.
Oblystyq til úıretý ortalyǵynda 200 polıseı dáris alady. Jyl saıyn departamenttiń jeke quramy til úırený boıynsha bastaýysh, jalǵastyrýshy jáne jetildirýshi bolyp úsh topqa bólinip oqıdy.
Názıra Járimbetova.
Derek, foto: oblystyq ishki ister departamentiniń baspasóz qyzmeti.
