Jańa basshydan iskerlik kútiledi

Atyraý jurtshylyǵy da ár jyldary óńirdi basqarǵan ákimderdiń jumysyn iskerlik turǵysynan baǵalaıdy. О́tken senbide Elbasy Jarlyǵymen Atyraý oblysynyń ákimi bolyp taǵaıyndalǵan Nurlan Noǵaevtyń da iskerlik tanytatynyna bek senedi. Premer-Mınıstr Kárim Mási­mov oblys aktıvine tanys­­tyrǵan aımaqtyń jańa basshysynyń osy qyryna toqtalyp ótti. Jıynǵa Prezıdent Ákimshiliginiń Basshysy Nurlan Nyǵmatýlın qatysty. Al K.Másimov oblysty 4 jylǵa jýyq basqarǵan Baqtyqoja Izmuhambetovtiń jańadan jumysyn bastaǵan VI shaqyrylymdaǵy Parlament Májilisiniń Tóraǵasy bolyp saılanǵanyn habardar etip, ol jetekshilik etken jyldary óńirdiń áleýmettik-ekonomıkalyq órkendeýine óz úlesin qosqanyna toqtaldy. Osyǵan baılanysty El­basynyń otandyq ekonomıka úshin strategııalyq mańyzy aıryq­sha zor oblysty basqarý jónindegi tań­daýy Nurlan Noǵaevqa túsip otyr. Mundaı tańdaý jasaýdyń birneshe sebebi bar. Birinshiden, Nur­lan Noǵaev – birneshe maman­dyqty meńgergen, birneshe tildi biledi. Onyń negizgi mamandyǵy – mu­naıshy, demek, Atyraý sekildi bir ǵa­syr merzimnen beri «qara al­tyn» óndiriletin óńir ekonomı­ka­sy­nyń jetekshi salasymen jete tanys. Olaı deıtinimiz, on jyldaı, ıaǵnı 1996-2006 jyldary osy saladaǵy otandyq jáne shetel­dik ınvestorlarmen birlese quryl­ǵan kásiporyndarda da, tipti, Ener­ge­tıka jáne mıneraldy resýrstar mınıstrliginde de jumys istep, ta­bıǵı baılyqty el ıgiligine jara­týdyń qyr-syryna qanyqqan deýge bolady. Ekinshiden, memlekettik bas­qarýda da tolymdy tájirıbe j­ına­ǵan. Naqtylaı aıtqanda, 2007 jyl­dan beri Batys Qazaqstan obly­synyń basqarý salasynda áýeli oblys ákiminiń orynbasary, keıin birinshi orynbasary laýazymynda bolǵan. Al sońǵy 4 jyldan beri Aqjaıyq eli atanǵan óńirdi abyroıly basqardy. Osy turǵydan aıtqanda, El­basy tarapynan Atyraý óńiri­niń basqarý tizginin qolǵa alǵan jańa ákimge artylatyn senim de, júk­teletin jaýapkershilik te joǵary ekeni ańǵarylady. О́ıt­keni, ózge óńirler sekildi Atyraý­dyń da eko­nomıkasyn ártarap­tan­dyrý máse­lesi óziniń mańyzyn joımaı­dy. Sonymen birge, óńir­de áli she­shimin kútken kúrdeli má­seleler jetkilikti. Úkimet basshysy jańa basshy­nyń qoınaýy «qara altynǵa» toly Atyraý ekonomıkasyn órken­detýde, Elbasy tapsyrmalaryn jer­gilikti jerde tabysty is­ke asy­rýda tájirıbesiniń jetkilik­tili­gine toqtaldy. Joldasbek ShО́PEǴUL, «Egemen Qazaqstan». ATYRAÝ.