Qaraǵandy oblystyq máslıhatynyń hatshysy saılandy

QARAǴANDY. 28 naýryz. Qaraǵandyda jańadan saılanǵan depýtattardyń qatysýymen oblystyq máslıhattyń VI shaqyrylymynyń birinshi sessııasy ótti. Bul týraly egemen.kz tilshisi habarlady. Sessııada oblystyq máslıhattyń jańa hatshysy bolyp Rysqalı Ábdikerov saılandy. Onyń kandıdatýrasyn depýtattar biraýyzdan qoldady. Sonymen qatar, alǵashqy sessııada turaqty komıssııalar quramy men olardyń tóraǵalary bekitildi. Sessııa jumysyna oblys ákimi Nurmuhammed Ábdibekov qatysyp, jańadan saılanǵan depýtattar quramyna zor tabys, jemisti eńbek tiledi. Oblystyq máslıhattyń quramynda 42 depýtat bar, olardyń 41-i «Nur Otan» partııasynyń ókilderi. Al bir depýtat «Aýyl» partııasynyń múshesi. Rysqalı Ábdikerov 2011 jyldyń qarasha aıynan bastap Shet aýdanynyń ákimi qyzmetin atqardy. Osyǵan deıin Aqtoǵaı, Ulytaý, Osakarovka aýdandarynyń ákimi, Qaraǵandy qalasy ákiminiń orynbasary, Qaraǵandy oblysy ákiminiń orynbasary bolǵan. Qaırat Ábildınov. Derek, foto: egemen.kz.