Jańa úlgidegi kóshe shamdary

jaryqtandyrýǵa jumsalatyn energııany 60 paıyzǵa únemdeıdi О́ńir basshysy Danıal Ahmetov pen Eýropa qaıta qurý jáne damý bankiniń Qazaqstan boıynsha dırektory Djanet Hekman Shyǵys Qazaqstan oblysyndaǵy eki jobany qarjylandyrý týraly kelisimge qol qoıdy. Qos jobanyń jalpy quny 7,7 mıllıard teńgeni quraıdy. Onyń basym bóligi Eýropa qaıta qurý jáne damý bankiniń qarjysy. Sondaı-aq, Úkimet granty men jergilikti bıýdjet qarajatynyń da úlesi bar. Nesıe qarjysy atalǵan banktiń bergen qaryzynyń mólsherinde ǵana qaıtarylmaq. Nesıeni quıý merzimi 10 jylǵa eseptelgen. Osy qarjy arqyly О́skemen men Semeı qalalaryndaǵy kóshe shamdary qýat únemdeıtin joǵary tehnologııaly shamdarǵa aýystyrylmaq. Qos joba kóshelerdi jaryqtandyrýǵa jumsalatyn shyǵyndy 60 paıyzǵa deıin azaıtady dep kútilýde. Oblys ortalyǵy men Semeı qalalaryndaǵy kóshelerdiń qazirgi jaryqtandyrý júıesi energııany jumsaý jaǵynan asa tıimdi emes. Basym bóliginiń tozyǵy jetken. Osyǵan oraı, oblys ákimdigi Eýropa qaıta qurý jáne damý bankimen birge qos qala kóshelerin jaryqtandyrýdy jańǵyrtý jobasyn qolǵa aldy. Joba boıynsha jańǵyrtý jumystary barysynda elektr shamdarynyń baǵandaryna deıin tolyq aýystyrylyp, jańa ti­rekter ornatý, jekelegen tran­s­­­formatorlyq podstansalardy sa­typ alý jumystary júzege asyrylady. Sonymen birge, orta­lyqtandyrylǵan basqarý pýnkti jáne júıeni baqylaýǵa arnalǵan baǵdarlamalyq qamtamasyz etý qurylymy engizilmek. Oblys ákimdigi habarlaǵandaı, atalǵan jobalardy júzege asyrý bir jylda О́skemen qalasynda – 40,7 mıllıon, Semeı qalasynda 30,8 mıllıon teńge qarajatty únemdeýge jol ashady. – Biz Elbasy Nursultan Nazarbaevtyń tapsyrmasyn júzege asyrý maqsatynda «Nurly Jol» baǵdarlamasyn oryndaý aıasyndaǵy bıýdjet resýrstarynan bólek Eýropa qaıta qurý jáne damý bankiniń nemese kez kelgen basqa da álemdik ınstıtýt qyzmetimen baılanysty qarjy kózderimen jumys isteýdemiz. Jáne qazirgi áleýetimizdi tolyǵy­men júzege asyrýdamyz. 22 mıllıard – bul jumystyń bas­taýy ǵana. Oblysta ondaǵan jyldar boıy sheshimin tappaǵan kúrdeli máseleler bar. Máselen, Buqtyrma sý qoımasymen ótetin kópir ótkeliniń qurylysy. Jaqyn arada atalǵan ınfraqurylymnyń qurylysy bastalatynyna senim­dimin, – dedi Danıal Ahmetov. О́z kezeginde Djanet Hek­man barlyq jobalardyń energııa­lyq tıimdilikti arttyrýǵa baǵyt­talǵanyn, bul Qazaqstannyń «jasyl ekonomıkany» damytý maqsa­tymen úndes ekenin atap ótti. Aıta ketelik, 2015 jyldyń jeltoqsan aıynda Semeı qala­syn­daǵy sýmen qamtý jáne sý jelileri júıesin jańǵyrtý boıynsha 11 mıllıard teńge kóleminde nesıelik kelisimge qol qoıylǵan edi. Qazirgi kezde О́skemende Eýropa qaıta qurý jáne damý bankiniń keńsesi jumys isteıdi. Bank shaǵyn jáne orta kásipkerlik jobalaryn nesıelendirýde. Dýman ANASh, «Egemen Qazaqstan». О́SKEMEN.