Kóshpeli ekskýrsııa

Keshe el Táýelsizdiginiń 25 jyldyǵyna oraı Áskerı polısııa mamandaryn daıarlaý ortalyǵynda «Elbasy mártebesi – el mártebesi», «Qazaqstan Respýblıkasynyń Tuń­ǵysh Prezıdenti jınaǵynan qarýlar kolleksııasy» atty kóshpeli ekskýrsııalary kósh jalǵady. Kórmege kelýshiler biregeı toptamalarmen, ondaǵy qundy jádigerlermen jaqynnan kórip tanysýǵa múmkindik aldy. Otanǵa qyzmet etý – árbir azamattyń qur­metti paryzy. Alaıda, áskerı adam­­dardyń túrli mádenı mekemelerge baryp, mun­daı qy­zyqty eksponattardy tamashalaýǵa múm­kindikteri bola bermeıdi. Muny eskere otyryp, «» kelýshiler úshin sırek jádigerlerdi, sýyq qarýlardyń túr-túrin kórsetilimge qoıdy. Atalǵan shara aıasynda «Qazaq­stan Respýblıkasy Tuńǵysh Prezıdenti Mý­­­zeıi­niń jınaǵyndaǵy qa­rýlar kol­leksııasy» ekspozısııasy bo­ıynsha kósh­peli ekskýrsııa adamzattyń áleýmettik tarıhyndaǵy ejelgi qarý syı­laý dás­túrimen, álemge áıgili Qu­ba­shy já­ne Zla­toýst qarý-jaraq sheberleriniń týyn­dylarymen tanys­tyrdy. Sondaı-aq, «Elbasy mártebesi – el már­­tebesi» ekspozısııasy boıynsha uıym­dastyrylǵan kóshpeli ekskýrsııa álemniń kóp­tegen elderindegi memlekettik nagradalarmen marapattalý júıesin keńinen tanys­tyrdy. Shara barysynda biregeı materıaldar kesheni, onyń ishinde fotosýret, beınematerıaldar jáne eń negizgisi – «Qazaqstan Respýblıkasy Tuńǵysh Prezıdenti Mýzeıiniń» qor jınaǵyndaǵy jádigerler usynyldy. Raýshan TÁÝIRHANQYZY, «Egemen Qazaqstan».