Ázerbaıjan men Armenııanyń áskerıleri qaqtyǵysty

ASTANA. 2 sáýir. Taýly Qarabaqtaǵy qaqtyǵystan Ázerbaıjannyń 200-den astam áskerıleri qaza tapty. Bul týraly RIA «Novostı» aqparat agenttigine silteme jasaǵan egemen.kz tilshisi habarlady. Ázerbaıjan qorǵanys mınıstrligi Armenııa tarapynan oq atylyp jatqanyn, al armıan áskerı vedomstvosy da Ázerbaıjan áskerıleriniń shabýyl jasaǵanyn málimdedi. Sondaı-aq, Armenııa qorǵanys mınıstri baspasóz hatshysynyń aıtýynsha eldiń qarýly kúshteri de bul janjalda qarsy shabýylǵa shyqqan. Eki jaqtan da adam shyǵyny bar. Ázerbaıjan qorǵanys vedomstvosynyń baspasóz hatshysy jaqyn arada bul máselege qatysty resmı málimdeme jasalatynyn aıtty. Aıta keteıik, Ázerbaıjan men Armenııa arasyndaǵy janjal 1988 jyly Taýly Qarabaq sebebinen bastalǵan. Armıandar kóp qonystanǵan bul aımaq 1991 jyly Ázerbaıjan quramynan shyǵatyny týraly málimdeme jasalǵannan keıin, munyń sońy janjalǵa ulasqan. Saldarynan 30 myńǵa jýyq adam qaza tapty. Halyqaralyq bitimgerlerdiń qatysýymen 1994 jyly Armenııa men Ázerbaıjan arasynda qaqtyǵysty toqtatý týraly kelisim jasalǵan. Aıan Ábdýálı. Derek, foto: RIA «Novostı».