ASTANA. 3 sáýir. Qazaqstan Prezıdenti Nursultan Nazarbaev Kýba Memlekettik keńesiniń jáne Mınıstrler keńesiniń tóraǵasymen kezdesti. Bul týraly akorda.kz habarlady
Kezdesý barysynda memleketter basshylary ekijaqty yntymaqtastyqty, saýda-ekonomıkalyq yqpaldastyqty, bilim, mádenıet, sport, aýyl sharýashylyǵy salalaryndaǵy baılanystardy keńeıtý jáne saıası dıalogty jalǵastyrý arqyly nyǵaıtý joldaryn talqylady.
Nursultan Nazarbaev pen Raýl Kastro densaýlyq saqtaý, farmasevtıka jáne bıotehnologııa salalaryndaǵy ózara is-qımyl máselelerine arnaıy toqtaldy. Osy salada qazaqstandyq jáne kýbalyq mamandardyń tájirıbe almasý qajettiligi atap ótildi.
Taraptar halyqaralyq kún tártibindegi ózekti máselelerdi de talqylady. Elbasy Birikken Ulttar Uıymy Qaýipsizdik keńesiniń 2017-2018 jyldardaǵy turaqty emes múshesin saılaý barysynda Qazaqstannyń kandıdatýrasyn Kýbanyń qoldaýy turǵysynan qol jetken ýaǵdalastyqqa qanaǵattanýshylyq bildirdi.
Aıan Ábdýálı.
Derek, foto: akorda.kz.
