Qarǵyn sý qatań baqylaýda tur

Qaraǵandy oblysynda sý tasqynynyń aldyn alý sha­ralary qyzý júrip jatyr. Tótenshe jaǵdaılar depar­ta­mentiniń mamandary men ákim­dik qyzmetkerleri, tipti jer-jerdegi turǵyndardyń ózi jaǵ­daıdy kúndiz-túni baqylap, ne nár­sege bolsa da saqadaı saı otyr. Biraq, soǵan qaramastan, qarǵyn sýdyń yryqqa kónbeı, tosyn minez tanytyp jatqan oqıǵalary oqtyn-oqtyn estilip qalyp jatyr. Máselen, Shet aýdanyndaǵy Nura-Sarysý basseıniniń Tómengi Narbaq sý qoımasynda bóget buzylyp, respýblıkalyq mańyzdaǵy «Qyzylorda – Pavlodar» jo­ly­nyń 796 shaqyrymy tusynda asfalttiń 5-6 metr bóligin sý shaıyp ketti. Tıisti oryndardyń mamandary atalǵan jolda avtokólikterdiń barlyq túr­l­e­riniń qozǵalysyna shekteý qoıdy. Qaýipsizdik sharalaryn qamtamasyz etý maq­satynda jol boıyna beket te ornatylǵan. Qazir sý Jańaarqa aýda­nyndaǵy Sarysý ózeni ań­ǵarynda ornalasqan Bıdaıyq sý qoımasyna ketip jatyr. Budan ári artyq sý tabıǵı jolmen Sarysý ózenine quıylady. Sondaı-aq, óńirdegi Sherý­baı-Nura jáne Moıynty ózen­derinde de sý kóterilip, el­di me­kenderdi sý alý qaýpi saqtalyp otyr. Degenmen, tótenshe jaǵ­daılar jónindegi mamandar jaǵdaıdy tolyq baqylaýda us­tap otyrmyz dep sendirdi. Qazirgi ýaqytta oblysta kúrt erigen qar sýynyń jolyn arshý boıynsha shuǵyl jumystar júrgizilip jatyr. Bul iske qutqarý qyzmeti men jergilikti atqarýshy organdardyń qyzmet­kerleri jumyldyrylǵan. Qaırat ÁBILDINOV, «Egemen Qazaqstan». Qaraǵandy oblysy.