Depýtattyq top quryldy

Parlament Májilisiniń vıse-spıkeri V.Bojkonyń tóraǵalyq etýimen Qazaqstan halqy Assambleıasynan saılanǵan Parlament Májilisi depýtattarynyń otyrysy boldy. Otyrys barysynda depýtattar QHA Tóraǵasynyń orynbasary – Hatshylyq meń­gerýshisi Eraly Toǵ­ja­nov­tyń Parlament Májili­sindegi Qa­zaqstan halqy As­sam­bleıasynyń de­­pý­tattyq tobynyń jumysyn jal­ǵas­­­tyrý týraly bastamasyn qol­dady. О́z sózinde Assambleıa Tór­aǵasynyń orynbasary depý­tattyq top­tyń jumysy – álemdik parlamentarızm tájirıbesinde buryn-soń­dy bolmaǵan biregeı partııa­aralyq dıalogty qurý úl­gisi ekendigin atap kór­setti. Barlyq partııalar­dyń ókilderi ózderiniń saıası senimderi men kózqaras­taryna qaramastan, N.Á.Nazarbaevtyń qoǵamdyq keli­­sim men jalpyulttyq bir­­lik modelin iske asyrý, qazaq­­standyq biregeılik pen birlikti nyǵaıtý úshin QHA depýtattyq tobynda birigedi. Otyrysqa qatysýshylar usynǵan kandıdatýralar negizinde depýtattyq toptyń quramy bekitilip, oǵan Par­lament Májilisiniń 31 depýtaty – Qazaqstan halqy Assam­bleıasynan 9 depýtat, «Nur Otan» partııasynan 17 depý­tat, Qazaqstannyń kom­mý­nıstik halyqtyq par­tııasy­nan 3 depýtat, «Aq jol» par­tııasynan 2 depýtat endi. Depýtattyq toptyń jetekshisi bolyp Saýytbek Abdrahmanov, jetek­shiniń orynbasary bolyp Iýrıı Tı­moshenko, top hatshysy bolyp Na­talıa Jumadildaeva saılandy. Otyrystyń sońynda de­pý­tat­tyq toptyń uıym­das­ty­rýshylyq máseleleri tal­qylanyp, onyń qyz­me­tiniń negizgi baǵyttary aı­qyn­dal­dy, dep habarlady Par­lament Máji­li­siniń baspasóz qyzmeti.