BUU-da nasıhattaldy

AQSh-tyń Nıý-Iork qala­synda BUU Qarýsyzdaný jónindegi ko­mıssııasynyń (QK) jyl saıynǵy mazmundyq sessııasy ótýde. 2015-2017 jyldarǵa arnalǵan kezeńde Qazaq­stan QK-niń Iаdrolyq qarýsyzdaný jáne taratpaý máseleleri jónindegi jumys tobyna tóraǵalyq etýde. Sessııanyń ashylýynda sóz sóılegen Qazaqstan Respýblıkasynyń BUU ja­nyndaǵy Turaqty ókili Qaırat Áb­dirah­manov BUU-ǵa múshe memleketter delegasııalaryn Qazaqstan Respýblıkasynyń Prezıdenti Nursultan Nazarbaevtyń mańyzdy bastamalary týraly jáne ıadrolyq qarýsyzdaný men taratpaý salalaryndaǵy Qazaqstannyń ustanymy jaıly habardar etti. Delegattar Qazaqstan Respýblıkasy Prezıdentiniń avtorlyǵymen shyqqan «Álem. HHI ǵasyr» manıfesi atty múldem jańa baǵdarlamalyq qujatpen tanystyryldy. Bul aıtýly aktide adamzat úshin taǵdyrsheshti soǵys jáne beıbitshilik máseleleri boıynsha Qazaqstannyń ustanymy týraly, sondaı-aq, halyqaralyq qoǵamdastyqtyń ıadrolyq qarýdyń tolyq tyıymyna qaraı ilgerileýden bas tartqan jaǵdaıda ıadrolyq apokalıpsıstiń qaýpi haqynda baıandalǵan. Komıssııa basshylyǵymen qol jetkizilgen kelisim nátıjesinde manıfest barlyq múshe memleketterge qoljetimdi túrde BUU Hatshylyǵynyń elektrondyq júıesinde resmı qujat retinde ornalastyryldy. Qazaqstan delegasııasynyń baıandamasynda, sonymen birge, ıadrolyq qaýipsizdik jónindegi sammıtteriniń róli baǵalandy jáne taıaýda Vashıngtonda ótken Iаdrolyq qaýipsizdik jónindegi IV sammıtke elimiz basshylyǵynyń qatysýy nátıjeleri jarııa­landy, onyń ishinde ıadrolyq qarýdy taratpaý rejimin jáne ıadrolyq qaýip­sizdikti nyǵaıtýǵa baǵyttalǵan birqatar elder jáne toptarmen jasasqan birlesken málimdemeler týraly aqparattar bar. 2015 jylǵy 7 jeltoqsanda BUU Bas Assambleıasynyń 70-shi sessııasy aıasynda Iаdrolyq qarýdan azat álem qurý týraly jalpyǵa birdeı deklarasııa qabyldaý týraly; Qazaqstanda Atom energııasy jónindegi halyqaralyq agenttiktiń (AEHA) Tómen baıytylǵan ýran bankin qurý týraly QR men AEHA arasyndaǵy kelisimge qol qoıý jaıynda; Birikken Ulttar Uıymyna múshe memleketterdiń qorǵanys bıýdjetteriniń 1%-yn BUU Turaqty maqsattary qoryna aý­darý haqynda; sondaı-aq, Jahandyq antı­ıad­ro­lyq qozǵalys qalyptastyrýdaǵy Elba­synyń bas­tamalary jaıly erekshe atap ótildi. Qarýsyzdaný jónindegi komıssııa BUU Bas Assambleıasyna baǵynyshty kon­sýltatıvtik organ bolyp tabylady. Onyń fýnksııalary – qarýsyzdaný sala­syndaǵy túrli máseleler boıynsha usynymdardy qarastyrý jáne jasaý. Komıssııanyń kún tártibi eki negizgi tar­maqtan turady: ıadrolyq qarýsyzdaný jáne ıadrolyq qarýdy taratpaý, sondaı-aq, jaı (konvensııalyq) qarý-jaraqtar. QK jyl saıyn sáýir aıynda úsh aptaǵa jıylyp, óz jumysyn plenarlyq sessııalar men eki jumys toby arqyly júzege asyrady. Sáýlebek BIRJAN.